CXXXVIII

Item, et à filles de bien,

Qui ont pères, mères et antes [tantes],

Par m'ame ! je ne donne rien,

Car j'ay tout donné aux servantes.

Sy fussent ilz de peu contentes,

Grant bien leur fissent mains loppins.

Aux povres fUles endementes [qui, pendant ce temps-là],

Qui se perdent aux Jacoppins,

Aux Celestins et aux Chartreux ;

Quoy que vie mainent estroite.

Si ont ilz largement entre eulx,

Dont povres filles ont souffrete [disette] :

Tesmoing Jaqueline et Perrete,

Et Ysabeau, qui dit : enné! [par ma foi 1]

Puis qu'ilz en ont telle disette,

A paine en seroit on damné.

Item, à la Grosse Margot,

Très doulce face et pourtraicture,

Foy que doy Brelare Bigod,

Assez dévote créature,

Je l'aime de propre nature.

Et elle moy, la doulce sade [mignonne]

Qui la trouvera d'aventure.

Qu'on luy lise ceste ballade.

FRANÇOIS VILLON

BALLADE