DES PROVERBES

Tant grate chievre que mal gist, Tant va le pot à l'eau qu'il brise, Tant chauffe on le fer qu'il rougist, Tant le maille on qu'il se debrise, Tant vault l'homme comme on le prise, Tant s'eslongne il qu'il n'en souvient.

Tant mauvciis est qu'on le desprise, Tant crie l'on Noël qu'il vient.

Tant parle on qu'on se contredit, Tant vault bon bruyt que grâce acquise. Tant promet on qu'on s'en desdit, Taut prie on que chose est acquise, Tant plus est chiere et plus est quise, Tant la quiert on qu'on y parvient, Tant plus commune et moins requise.

Tant crie l'on Noël qu'il vient.

Tant ayme on chien qu'on le nourrist, Tant court chanson qu'elle est aprise, Tant garde on fruit qu'il se pourrist, Tant bat on place qu'elle est prise, = 97

Tant tarde on que faut entreprise, Tant se haste on que mal advient, Tant embrasse on que chiet la prise, Tant crie l'on Noël qu'il vient.

Tant raille on que plus on ne rit, Tant despent on qu'on n'a chemise, Tant est on franc que tout se frit, Tant vault tien que chose promise, Tant ayme on Dieu qu'on suit l'Eglise, Tant donne on qu'emprunter convient Tant tourne vent qu'il chiet jombe] en bise, Tant crie l'on Noël qu'il vient.

Envoi.

Prince, tant vit fol qu'il s'avise.

Tant va il qu'après il revient, Tant le mate on qu'il se ravise, Tant crie l'on Noël qu'il vient

BALLADE