I. — BALADE (i

Q 'Amours ne fait par sa grâce adoucir

Vostre franc cuer, dame, à qui sui donnés, Je sui certeins qu'il mi convient morir De ma dolour ou d'estre refusés.

Ce m'est avis qu'il me vaut miex assés Par vo refus tost morir sans déport Qu'en ma dolour languir jusqu'à la mort. {fol. 1341*. b)

Car s'a vous puis ma dolour descouvrir,

Espoir qu'en vous pour moy sera pités;

Et se refus m'ocist, bien vueil fenir.

Et de la mort seray tous confortés

Pour vostre amour, puis que vous le sarés.

Si me vaut miex à vous quérir confort

Qu'en ma dolour languir jusqu'à la mort.

15 Ne ce n'est pas vie d'einsi languir

Com je langui, car je sui embrasés Couvertement d'un amoureus désir Qui en mon cuer s'est longuement celés. Helas ! or est d'amour si enflâmes

20 Qu'à vous aim miex dire quel mal je port

Qu'en ma dolour languir jusqu'à la mort.