XIII. — PENSEMENT DE CUER JOLI

^K qu'ay pensé, voulez que je le dîe ? -

Je le diray, se g'y say assener.

Et tant sachiés que, quant je truis m'amie Et je la puis acoler et baisier Et en baisant de son très douls parler Me dit ; ,, amis, say ce qui te plaira". Il n'est déduit qui vaille celui-là.

Car elle est jeune, gente, jouant et lie, En tout honeur se soit bien ordener ; 10 De lui ne vi au jour d'ui plus jolie

Ne qui si bien se déduise en amer.

Tout maintenant ne fait que commencier.

Et si say bien qu'elle mesmes dira :

,, Il n'est déduit qui vaille celui là".

15 A dire voir, onques jour de ma vie

N'en fu saoul : tant l'aim à regarder Et tant me plaist estre en sa compaignie Que nullement n'en vouroie esloignier.

Toudiz vouroit soy esbatre et jouer

20 Du doux plaisir qu'Amours y ordena.

Il n'est déduit qui vaille celui là.