L'AMANT

JUGEZ, amans, et voiez ma dolour !

*-' Comment Amours et ma dame ensement M'ont fors bani de leur plaisant séjour Et esloigné de merci durement, 5 Sans avoir fait ne pensé

Envers ma dame que bien et loyauté ; Et combien que je l'aie ainsi servie.

Elle me het et est mon ennemie.

Si soit elle, bien que de vraie amour 10 L'ay amée toudis parfaitement,

N'onques encor envers li ne fis tour

Par quoy me deust haïr aucunement ; Mais je n'ay en li trouvé

En lieu d'amours que desdaing et durté, 15 Et quant elle me deùst estrc amie,

Elle me het et est mon ennemie.

Si ay perdu tout bien, toute douçour.

Joie, soûlas, geu, ris, esbatement, Mon doulz espoir, mon déduit, mon labour, 20 Pour bien servir et amer loyaument.

Amans, n'est-ce pas pitié, Quant onques je ne li fis fausseté } Mais pour ce espoir que je ne li plais mie. Elle me het et est mon ennemie.