CXXV1. — RONDEL

Trop est mauvais mes cuers qu'en - ij • ne part Pour vous que faim loyaument sans partie,

Puis que de vous, sans joie avoir, me part. Trop est mauvais mes cuers qu'en • ij • ne part.

Et quant des biens amoureus nulle part

Ne puis avoir à ceste départie,

Trop est mauvais mes cuers qu'en -ij- ne part

Pour vous que j'aim loyaument sans partie.

HÉ ! mesdisans, com je vous doy haïr.

Quant j'ay perdu par vous le dous repaire Où celle maint qui me fera fenir, S'elle vous croit, par mort crueuse traire. Mais, se Diex plaist, ja ne m'iert si contraire Ma douce amour qu'elle croie de mi Riens qui ne soit à s'onneur converti, Car autrement riens ne vorroie faire.

Et s'elle croit mesdisans pour mentir,

Qu'elle scet bien qui sont mi adversaire, (fol. 57 v°. a)

Pechié fera : si m'en faura morir

Com vray ami qui si aim sans meffaire

Qu'à moy merci d'amours ne porroit plaire

Ne recevoir toute joie d'ami

Fors par son gré ; et si sache de fi,

Car autrement riens ne vorroie faire.