CLVII. — RONDEL

e plus en plus ma grief dolour empire, Dont moult souvent mes cuers souspire et pleure,

Puis que désir mue mon mal en pire.

De plus en plus ma grief dolour empire.

Car je voy bien qu'Amour me vuet occire Pour ma dame servir, car en toute heure De plus en plus ma grief dolour empire, Dont moult mes cuers souspire et pleure.

te m'aim trop miex tout à paressillier ^ En ma dame servir et honnourer Que j'aie ja voloir ne desirier Ne pensée de li entroublier ; 5 Et miex pour li vorroie definer

Que de toutes joïr à mon talent :

Tant l'aim je et serf et désir loyaument.

Et les peûsse avoir par souhaidier A mon voloir et par tel deviser 10 Que chascune m'amast et tenist chier,

Autant com j'a'im ma dame qui n'a per, Ne vorroie je changier ne muer Ma chiere dame au doulz viaire gent :

Tant l'aim je et serf et désir loyaument.