CLXVI. 1. Dame si vr. v. J

Comme cilz qui vostre bonté Sert, aour et prie merci.

Nompourquant vo fine beauté Ne puis veoir ; dont je langui En joliveté, si qu'einsi Tout adès, se Diex me sequeure, .Ma dame, li cuers vous demeure.

Et puis que j'aim sans fausseté, A loy de très loyal ami Qui vueil faire tout vostre gré, Pour Dieu, à mains jointes, vous pri Que de vous ne soie en oubli, Car en tous temps et à toute beure, .Ma dame, li cuers vous demeure.

ta Diex pooir ne me doint ne loisir

Ne tant durer que j'aie ja pensée Ne volenté ne pooir ne désir D'entroublier ma dame désirée; Car, pour m'ame, mescheoir la journée Ne me porroit qu'il me souvient de li, Pour la bonté dont Diex l'a enrichi.

(fol. 61 f.b)

Dont n'est il maus qui me peûst venir, Car nuit et jour sa face coulourée Et sa fine biauté que tant désir Par souvenir m'est adès demoustrée ;