elle la parjure A

15 Et quant je voy qu'elle est de tel nature

Qu'en li ne truis ne foy ne vérité, Et si l'aim plus que nulle créature Qui soit vivant, n'elle n'en ha pité, Bien voy qu'Amours à cuer désespéré

20 Vuet que je muire et je humblement l'endure.

C'est ce pour quoy ma dolour m'est plus dure.

CXCIV (i). — BALADE

il n'est dolour, desconfors ne tristece,

Anuis, grietez ne pensée dolente, Fierté, durté, pointure ne aspresse, N'autre meschief d'amours que je ne sente,

Et tant plain, souspir et plour Que mes las cuers est tous noiez en plour. Mais tous les jours me va de mal en pis, Et tout pour vous, biaus dous loiaus amis.

Car quant je voy que n'ay voie n'adresse io A tost veoir vostre manière gente

Et vo douceur qui de loing mon cuer blesse,

Qui toudis m'est par pensée présente,

Je n'ay confort ne retour (fol. 20) v". b)

Fors à plourer et à haïr le jour 15 Que je vif tant ; c'est mes plus grans delis.

Et tout pour vous, biaus dous loiaus amis.