Ms. : resveille ; si se r. DFJMN

t e maudi l'eure et le temps et le jour, ^ La semainne, le lieu, le mois, l'année, Et les ■ ij • yeus dont je vi la douçour De ma dame qui ma joie a finée.

5 Et si maudi mon cuer et ma pensée,

Ma loiauté, mon désir et m'amour, Et le dangier qui fait languir en plour Mon dolent cuer en estrange contrée.

Et si maudi l'acueil, l'attrait, l'atour

10 Et le regart dont l'amour engendrée

Fu en mon cuer, qui le tient en ardour ; Et si maudi l'eure qu'elle fu née, Son faus samblant, sa fausseté prouvée, Son grant orgueil, sa durté où tenrour

15 N'a ne pité, qui tient en tel langour (fol. 206 v*. a)

Mon dolent cuer en estrange contrée.

Et si maudi Fortune et son faus tour, La planette, l'eûr, la destinée Qui mon fol cuer mirent en tel errour 20 Qu'onques de moy fu servie n'amée.

Mais je pri Dieu qu'il gart sa renommée, Son bien, sa pais, et li acroisse honnour Et li pardoint ce qu'ocist à dolour Mon dolent cuer en estrange contrée.