CCXL1. — RONDEL

ce tenir vues le droit chemin d'onneur, Ce que tu as aus bons liement donne, Et ce que n'as promet à chiere bonne.

De ce qu'aquiers soies abandonneur, Se tenir vues le droit chemin d'onneur.

Chascuns dira : „ ci a large donneur " ; De vaillance porteras la couronne.

Et tes renons n'ara terme ne bonne.

Se tenir vues le droit chemin d'onneur, Ce que tu as aus bons liement donne, Et ce que n'as promet à chiere bonne.

CCXLI1. — BALADE

[E di qu'il n'a en amour vraie et pure Mal ne pechié, eins est vie jolie.

Car amours est de si noble nature Que, quant amans pense ou quiert vilenie, 5 Elle n'i puet demourer,

Einsois s'en fuit seulement don penser.

Et se raison vuet dire le contraire,

Je n'en puis mais, je ne li fais pas faire.

Car quant amans met son cuer et sa cure 10 En bien amer et toute s'estudie,

Douce plaisence, espérance seûre (fol. 64 v". a)

Le norrissent en amoureuse vie Si plaisant à savourer

Qu'il n'est vie qui s'i puist comparer. 15 Et se raison vuet dire le contraire,

Je n'en puis mais, je ne li fais pas faire.