COMPLAINTE (i

a mours, tu m'as tant esté dure.

Et si m'a tant duré et dure La durté que pour toy endure

Que d'endurer Sui si mis à desconfiture Que de garir est aventure; Et croy que c'est contre nature D'einsi durer.

Car en mon cuer li maulz d'amer Est si poignant et si amer Qu'il fait nuit et jour enflamer

Mon dueil et m'ire, Ne je ne m'en sçay où clamer, Puis que ma dame reclamer Ne me vuet ne ma joie amer

N'estre mon mire.

(fol. 67 v. a)

Pour ce mes dolens cuers souspire, Quant il sent que son mal empire Et qu'adès ha de mal en pire 20 Sans aligence

Et sans confort dou grief martire Qui le tourmente et le martire ; Si que ne sçay le mieus eslire De ma grevance.