ne mangue dansj

Car je voy bien que tu me nuis Et que joie has de mes anuis, Quant le cuer de ma dame duis

A moy fuir.

125 Et pour ce que tu t'i déduis,

J'ay si perdu tous mes déduis Qu'en riens resjoïr ne me puis,

Dont trop m'aïr.

Tu sces bien que je ne désir 130 Riens tant com faire son plaisir

Et que mon cuer et mi désir

Sont sans retraire Mis seulement en li servir.

Helas ! or ne puis desservir iJ5 Sa bonne grâce pour servir.

Que puisse faire?

Et pour ce que tu m'ies contraire, Si te pri, pour tout mon salaire, Que tu me vueilles tost deffaire 140 Et que le dart

Mortel faces dedens moy traire Par son dous regart débonnaire.

Qui mon dolent cuer plus n'esclaire De son espart.

145 Car ailleurs se donne et espart,

N'avoir n'en puis aucune part, Ne po ne grant ne tiers ne quart.

Si n'ay mestier Fors de la mort qui vient trop tart, 150 Puis qu'autre garison n'esgart.

Or m'oci dont par son regart !

Plus ne te quier.