Ce vers est biffé dans J; le Voir Dit ne le donne pas

III (i). — COMPLAINTE (a)

{fol. 69 r°. a)

toi, Hanri, dous amis, me complain,

Pour ce que mais ne queur ne mont ne plain,

Car à pié sui, sans cheval et sans selle,

Et si n'ay mais Esmeraude ne Belle, 5 Ne Lancelot, dont petit me déduit,

Quant la joie ay perdu de tel déduit.

Aguillonnez sui de mes anemis

Qui en mon cuer ont meintes peinnes mis.

Asservis sui, qui m'est chose trop vil(l)e, 10 Car il m'estuet mettre aus murs de la ville;

Et si vuet on que je veille à la porte

Et qu'en mon dos la cote de fer porte;

Ou il convient qu'ailleurs demourer voise

Et laissier Reins, dont petit me renvoise. 15 Encore y a chose qui m'est po belle,

C'est maletoste et subcide et gabelle,

Foible monnoie et imposition

Et dou pape la visitation.

Or faut paier pour -viij- ans les trentismes 30 Et sans delay pour le roy -iij • disismes.

Et li dyable porront de ce finer;

On porroit bien une mine miner.

Mieus me vauroit ailleurs estre -j- porchier

Que moy veoir einsi vif escorchier.

III. I. biaus a., corrigé ensuite d'une autre main : dous a. F.