Ms. .- jasme manque

VII (i). — COMPLAINTE

qire, à vous fais ceste clamour

Pour le bon samblant et l'amour Que vous m'avez moustré toudis De vo grâce en fais et en dis, 5 Et aussi que vous me déistes,

Quant secrétaire me feïstes, Com nobles princes et entiers, Que vous m'aideriés volentiers, Se j'avoie neccessité.

10 Pour ce vous diray vérité.

Sire, il est voirs comme évangile Que li contes de Tanquarville M'envoia une haguenée Sans selle, à bride renouée,

15 D'un piet et d'un oueil desferrée,

Qui est de tous poins aveuglée; Si que je sui à piet sans lance.

Et volentiers iroie en France, Car moult désir que je vous voie.

30 Mais defîendu m'i ont la voie

Li pilleur, li vens et la pluie Et li yvers qui moult m'anuie, Et especiaument la goûte Et mes cbevaus qui ne voit goûte ;

25 Et j'y voy po, par saint Remy,

Qui n'est mie trop bon pour my; Einsois est uns très grans péris Qu'estre en porriens tous -ij- péris Et cheoir dedens une fosse,

30 Si ne morriens pas de la bosse.