X. 1». Ms. : mait dueil

(1) V. le v. 76. — Le copiste a divisé ce Dit en trois strophes . vv. 1-14, 15-40» 4'-58. 59-76-

Qu'elle aime honeur et doubte honte Et que son cuer si maire et donte 35 Qu'adès ait doubtauce et cremour.

Si n'ara ja mais deshonnour; Car désirs et forse d'amour Font endormir honte et cremour Aucune fois par tel maistrie 40 Qu'onneur en puet estre perie.

Mesdisans font l'amant secret, Vray et loyal, sage et discret En garder l'onneur de sa dame Qu'elle ne chiesse en aucun blasme, 45 Si que mesdisans n'en puist dire

Chose qui touchast à mesdire.

Mesdisans font aus vrais amans Garder les amoureus commans, N'il ne saroient ne porroient 50 Yaus celer, s'il ne les doubtoient.

Je di encor que mesdisans, Qui po souvent sont voir disans, Sont en amours très pourfitables Et que leurs jangles et leurs fables 55 Einseingnent tout ce qu'on doit faire

Qui d'amours vuet â bon chief traire.

Brielment, se mesdisant n'estoient, Nulle honte amoureus n'aroient.

J'ay bien prouvé m'entention; 60 Si feray ma conclusion

En disant, com bien avisée, Que je sui toute confortée De leurs parlers et de leur bruit Qui contre les amoureus bruit.

65 Ja pour eus l'amer ne lairay ;

Car mon dous amy ameray Doucement, amoureseument, Sans villenie et loyaument En gardant s'onneur et la moie,

70 Qu'Amours le vuet et je l'ottroie.

Parlent assez, il ne m'en chaut :

Ce ne me fait ne froit ne chaut ;

N'en donroie -ij- celerins.

Dieus scet qui est bons pèlerins 75 Et qui est bonne pèlerine.

A tant m'en tais et mon dit fine.