Ms. : Ne instrument
Qui seur Musique ne se fonde,
Ne qui ait souffle ou touche ou corde,
210 Qui par Musique ne s'acorde.
Tous les fais plus à point mesure Qui ne fait nulle autre mesure.
Elle fait toutes les quaroles Par bours, par cités, par escoles,
215 Où on fait l'office divin
Qui est fait de pain et de vin.
Puet on penser chose plus digne Ne faire plus gracieus signe, Com d'essaucier Dieu et sa gloire,
220 Loer, servir, amer et croire,
Et sa douce mère en chantant, Qui de grâce et de bien a tant Que le ciel et toute la terre Et quanque li mundes enserre,
225 Grant, petit, moien et menu,
En sont gardé et soustenu ?
J'ay oy dire que li angles,
Li saint, les saintes, les archangles
De vois délie, saine et clere
230 Loent eu chantant Dieu le père.
Pour ce qu'en gloire les a mis Com justes et parfais amis, Et pour ce aussi que de sa grâce Le voient adès face à face.
235 Or ne peulent li saint chanter
Qu'il n'ait Musique en leur chanter ; Dont est Musique en paradis.
David li prophètes jadis, Quant il voloit apaisier l'ire
240 De Dieu, il acordoit sa lire
Dont il harpoit si proprement Et chantoit si dévotement
(fol. 2 v. b)
fi
Hympnes, psautiers et orisons, Einsi comme nous le lisons, 24s Que sa harpe à Dieu tant plaisoit
Et son chant qu'il se rapaisoit.
Orpheùs mist hors Erudice
D'enfer, la cointe, la faitice.
Par sa harpe et par son dous chant.
250 Harpoit si très joliement
Et si chantoit si doucement Que les grans arbres s'abaissoient Et les rivières retournoient Pour li oïr et escouter ;
255 Si qu'on doit croire, ?-ans douter,
Que ce sont miracles apertes Que Musique fait ; c'est voir, certes.
Rhétorique versefier Fait l'amant et metrefier,
260 Et si fait faire jolis vers,
Xoviaus et de mètre divers, — L'un est de rime serpentine.
L'autre équivoque ou léonine.
L'autre croisie ou rétrograde,
265 Lay, chanson, rondel ou balade ;
Aucune fois rime sonant Et, quant il li plaist, consonant, — Et li aourne son langage Par manière plaisant et sage,
270 Car Scens y est qui tout gouverne
En chambre, en sale et en taverne.
Dous Penser et bonne Esperence Li font avoir douce Plaisence Et li amenistrent matière.
