XXVIII. — BALADE (i

jamais ne quier joie avoir, ^ Bien d'amours ne reconfort, Ainsois vueil au desespoir De la dolour que je port Toute ma vie languir, Et puis à dolour morir, Se pour longue demourée Bonne amour est oubliée.

Car j'aim si sans décevoir Que je vueil jusqu'à la mort Amer de tout mon pouoir ; Dont ara ma dame tort, Puis qu'elle ha sans départir Mon cuer et mon souvenir, Se pour longue demourée Bonne amour est oubliée.

Pour ce pri qu'en bon espoir Et en gracieus confort Me meinteingne main et soir Celle dont tous li biens sort; Car riens ne me puet guérir Ne de la mort garentir, Se pour longue demourée Bonne amour est oubliée.

îENS ne me puet anuier ne desplaire Que je puisse pour ma dame endurer, Fors tant que loing de son plaisant viaire, Sans joie avoir, me convient demourer.

io. jusques a B.