XXXIII. 10 f. et plaindre B

t^our Dieu vous pri que de moy vous souveingne, A Douce dame, car adès me souvient (fol. 48 v°. a) De vo fine beauté, que qu'il aveingne, A cui nulle biauté ne s'apartient ; S Et moult souvent en m'ardour.

Par pensée, sens vo fine douçour.

Mais quant je voi que mes pensers foloie, C'est ma doulour et la fin de ma joie.

Car il n'est riens, qui à mal apparteingne, io Qui en mon cuer ne soit, quand il avient

Que souvenirs me demonstre et enseingne

Vostre douçour; si qu'adont me convient Aler seul en un destour

Et regreter, par vois pleinne de plour, 15 Les très dous biens que recevoir soloie :

C'est ma dolour et la fin de ma joie.

Dame, et comment que moult fort me destraingne Li souvenirs qui en mon cuer se tient, Ne pensés ja pour ce que je me feingne 20 D'amer, qu'en moy cil souvenirs soustient

Loiauté et vraie amour Et fin désir de veoir vostre atour.

Mais quant ne puis faire que je le voie, C'est ma dolour et la fin de ma joie.