cesle raison J

19 et suiv. B : Mais je croy que la serf en pardon Si m'en convient mourir en pardoo Si m en convient dure mort endurer.

Helas ! je sui de si maie heure nez Qu'Amours me het et ma dame m'oblie, Tous biens me fuit, tous maulz m'est destinez. Xulz ne saroit comparer ma hachie ; Car Pitez s'est pour ma mort endormie.

Grâce et Eûr m'ont guerpi

Et Fortune m'est contraire.

Assés de meschiés ha ci, • Eins que joie en puisse attraire.

Sans nul espoir d'estre reconfortés

Sui et sans cuer; car toudis merci prie (fol. 51 r°.b)

Li las ! pour moy, et mes confors est telz

Que durté maint où douçour est norrie ;

Cruauté veint frenchise et courtoisie,

Loyauté est en oubli,

Mes services ne puet plaire.

Assés de meschiés ha ci,

Eins que joie en puisse attraire.

Et aveuc ce si mal sui fortunés Que, pour faire moy plus languir en vie, .Mors ne me vuet pour mes maleùrtés.

.Mais maugré li morray ; je n'en dout mie. Car la durté de ma griei maladie

Ha bien la mort desservi,

Et pis s'on li pouoit faire.

Assez de meschiés ha ci,

Eins que joie en puisse attraire.

ttelas ! Amours, que vous ay je méfiait, Qui me volés sans occoison deffaire?

Vous savez bien que par dit et par fait Vous ai servi loyaument, sans mefiaire, 5 Et qu'adès vueil vo dous service faire,

Com cilz qui tous à vo dangier m'encline De cuer, de corps et de volenté fine.