LXI — BALADE

N':2 ne me doit d’ore en avant reprendre, Se je sui gais, liés, chantans et jolis,

Car j’aim et serf et desir, sans mesprendre,

De toute flour la biauté et le pris.

Et s’ay espoir, qui de joie est norris,

Qui ne me laist onques entroublier

Loyal Amour et ma dame sans per.

Si vueil d’'Amours les dous voloirs attendre

Et endurer, tant com je seray vis,

L’ardeur qu’'Amour fait en mon cuer descendre Par dous regart et par gracieus ris ;

Ne je ne vueil à riens estre ententis,

Fors qu’à servir de cuer et honnourer

Loyal Amour et ma dame sans per.

Et se jamais ne devoie plus prendre

Ou dous service, où je me sui tous mis,

Fors tant qu'Amours m'en fait à bien entendre Et que j’en ay tous vices enhaïs,

Si m'est il bien et hautement meris.

S'en vueil de cuer mercier et loer

Loyal Amour et ma dame sans per.