LXVI. — BALADE

D mercy vous requier humblement,

Se j'ay vers vous nulle chose meffait, Qu'il vous en plaise à vo commandement Penre seur moy l'amende et le meffait ;

Car, par m'ame, mes cuers tant de mal trait C'onques nuls cuers,sans mort, plus n’en senti. Et pas ne l’ay envers vous desservi.

Si ne puis pas vivre einsi longuement, C'onques vers vous n’en pensée n’en fait Je ne meffis, ains ay celeement

En loyauté vostre service fait.

Las ! et vos cuers le mien à la mort trait, Quant il me het et je l’aim plus que mi.

Et pas ne l’ay envers vous desservi.

Et se je muir de l’amoureus tourment,

Puis qu'il vous plaist, douce dame, il me plait ; Car, puis que c’iert pour amer loyaument, Miex me vaurra qu’avoir mon cuer retrait