CVI. — BALADE

M dame, n’ aiés nul espoir De faire mon cuer departir De vous pour mi faire doloir Ne pour doubtañce de morir; S Car pour riens qui puist avenir, Puis qu'en vous mis m'amour ay.

Jamais autre m’ameray.

Eins vueil cuer et corps et pooir, Volenté, penser et desir 10 Mettre pour faire vo voloir Et pour vous loiaument servir, Et, quant Amours vuet, consentir Que, tant com durer porray.

Jamais autre n’ameray.

1S Ne me faites plus mal avoir, Douce dame, eins vueilliés souffrir Que par vous puisse miex valoir, Sans vostre honnour point amenrir ; Car, s’adès devoie languir 20 Pour vo gracieus corps gay, Jamais autre n’ameray.