CXXXV. — BALADE

Se ce que j'aim chierement Et que j'ay longuement servi Vostre dous viaire plaisant, Dame, d’umble cuer vous depri $ Qu'au retour d’un regart joli, Pour moy rendre sens et maniere, Secourés moy, ma dame chiere.

Trop compere amours chierement, Car j’ay une dolour en my

10 Dont Amours nul aligement Ne me donne, ne vous aussi.

Mais se vous oez mon depri, Par amours de vo douce chiere, Secourés moy, ma dame chiere.

15 Et se vo douce chiere ment, Dont m'’ara bonne Amour trahi, Car je vous aim si loyaument Que pour loiauté je langui.

Et quant vers nul loyal ami

20 Onques amours ne fu si chiere, Secourés moy, ma dame chiere.