estre tout honie J

5 N'onques ne fist deshonnour Avec amour et loiauté sejour ; Dont il s’ensieut que qui a tel desir, S'il cuide amer, ne fait il que hair.

Et s'uns amans dit qu’il vit en tristece 10 Et qu'il languist en paour de sa vie, Quant sa dame est de s’onneur si maistresse Que deshonneur et fole amour renie, Elle ne doit de son plour Avoir pité n’entroir sa clamour, 15 Pour ce que bien puet veoir et sentir, S'il cuide amer, ne fait il que haïr.

Si que la dame est fole qui s'adresse

A telle amour dont s’onneur est perie,

Et cils fait mal qui li quiert, car simplesse 20 La mauvaitié dou fait n’escuse mie.

Pour ce dame nuit et jour

Doit avoir l’ueil et le cuer à s’onnour

Et tel amant fuir, car, sans mentir,

S'il cuide amer, ne fait il que haïr.