CCXXX. 6. neF

(1) Dans les mss., cette pièce, qui est une ballade, figure parmi les Complaintes. Nous l’imprimons donc ici, sous le n° CCXXX, au lieu de la soi-disant « balade » : Deux choses sont qui me font a martire etc, que nous croyons devoir ranger parmi les Complaintes. (v. la table des mss.).

CCXXXI (1). — BALADE

S je vous aim de fin loyal corage Et ay amé et ameray toudis, Et vous avés pris autre en mariage, Doiz je pour ce de vous estre ensus mis, Et de tous poins en oubli ?

Certes, nennil ; car puis que j’ay en mi Cuer si loyal qu'il ne saroit meffaire, Vous ne devés vo cuer de moy retraire.

Eins me devés tenir en vo servage Comme vo serf qu’avez pris et acquis, Qui ne vous quiert villenie n’outrage.

Et si devés amer, j'en suis tous fis,

Vo mari com vo mari Et vostre amy com vostre doulz ami ; Et quant tout ce poez par honneur faire, Vous ne devez vo cuer de moy retraire.

Et s’il avient que cuer aiez volage,

Onques amans ne fu si fort trahis

Com je seray ; mais vous estes si sage,

Et s’est vo cuers si gentieument norris Qu'il ne deingneroit einsi

Moy decevoir pour amer. Et se di:

Puis que seur tout aim vostre dous viaire,

Vous ne devez vo cuer de moy retraire.