II. — BALADE

Se tous amans me doy pleindre et loer D’Amour qui m'a mis en joie et en plour.

Loer m'en doy en tant que desirer

Tres loiaument, sans penser deshonnour,

Me fait dame qui est des flours la flour.

Mais je m'en doy pleindre aussi durement,

Car tant ne puis faire que nullement

Sache m’amour, qu’à li me sui rendus ;

Et si l’aim tant c'on ne puet amer plus.

Car, quant je voy son dous viaire cler

Et je l1 vueil descouvrir ma dolour,

Honte m'assaut, paour me fait trambler, Amour m'esprent, biauté et grant douçour Me font perdre sens, maniere et vigour ; Si que je sui en :j: transissement,

Ne je ne sens ne joie ne tourment.

Las ! einsi sui dou veoir esperdus,

Et si l’aim tant c’on ne puet amer plus.