soions E

M'ont au cuer en regardant Si fort navré

Que ja mais joie n’avré, Jusques à tant

Que vo grace qu’il atent M'arez donné.

Plus dure etc.

J'ay humblement enduré

L'amoureus mal et porté, En attendant

Vostre bonne volenté

Que j'ay en tous cas trouvé Dure et poingnant.

Et quant tous en vo commant

Suis, je me merveil comment Vostre bonté

Ma sa grace refusé, Quant en plourant

Vous ay et en souspirant Merci rouvé.

Plus dure qu’un dyamant.

Helas ! dame, contorté

Ne m'avez en ma grieté, Ne tant ne quant,

Eins m'avez desconforté,

Si que tout desconfort hé.

Mais nompourquant

J'ameray d’or en avant

Plus fort qu'onques mais, et quant

Mort et miné Mara vostre cruauté

Qui m'est trop grant, Lors sera bien apparant

Ma loyauté.

Plus dure qu'un diamant etc.