POÉSIES DE CHARLES d'oRLÉANS
Et au derrain guerdon rendrez ; Dy je bien, ou se trop m'avance ?
Ca, venez, etc.
RONDEL
Pour le don que m'avez donné, Dont très grant gré vous doy savoir, J'ay congneu vostre bon vouloir.
Qui vous sera bien guerdonné.
Raison Ta ainsi ordonné, Bienfait doit plaisir recevoir.
Pour le don, etc.
Dont très, etc.
Mon cueur se tient emprisonné, Et obligé, pour dire voir, Jusqu'à tant quait fait son devoir Vers vous, et se soit raenconné.
Pour le don, etc.
Mon cueur, estouppe tes oreilles.
Pour le vent de Merencolie ; S'il y entre, ne doubte mye , Il est dangereux à merveilles ; Soit (jue tu dormes ou tu veilles, Fays ainsi que dy . je t'en prie.
Mon cueur, etc.
Pour le vent, etc.
Il cause doleurs nompareilles.
Dont s'engendre la maladie Qui n'est pas de legier guérie ; Croy moy, s'a raison te conseilles.
Mon cueur, etc.
CHANCON
Se j'eusse ma part de tous biens, Autant que j'ay de loyaulté,
POÉSIES DE CHARLES DOKLÉANS. 2(>*.l
J en auroye si grant planté
Qu'il ne me fauldroit jamais riens.
Et si gaingneroye des miens.
Ma Dame, vostre voulenté.
Se j'eusse, etc.
Autant que, etc.
Car pour asseuré je me tiens Que vostre très plaisant boaulté, De s'amour me feroit rente, Maugré Dangier et tous les siens.
Se j'eusse, etc.
CHAîsCON.
(Philippe de Boulainvillier.)
Hola, hola, souspir, on vous hoit bien, A'ous vous cuidez embler trop coyement, Contrefaisant ung peu le cayement ; Grant fain avez qu'on vous die tien.
Vous ne querez que d'ung cueur le soustion, C'est de tieulx gens tousjours l'esbatement. Hola, hola, etc.
Vous vous, etc.
Trop vous hastez, de vray, comme je tien, Car l'on congnoist vostre fait clerement, Une autreflbiz faictes plus saigement, Car maintenant vous n'y gangnerez rien.
Hola, hola, etc.
CHANCON
Pour les grans biens de vostre renommée, Dont j'oy parler à vostre grant honneur, Je désire que vous ayez mon cueur.
Comme de moy, très loyaument amée.
Tresoriere, je vous voy ordonnée A le garder en plaisance et doulceur.
Pour les, etc.
Dont j'oy, etc.
210 i'<»Ksii:s DE ciiAUi.Ks d'okleans.
liecevc'z le, s'il vous plaist, et agrée,
Du mien ne puis vous donner don meilleur ;
Cest mon vaillant, c'est mon trésor greigneur.
A vous l'offre de loyalle pensée.
Pour les, etc.
CHANCON
( Gilles (les Ourmes.)
Hola, hola, souspir, on vous oyt bien.
C'est à ung sourt à qui il le lault faire, Retrayez vous, et pensez de vous taire, Car Dangier oit si cler qu'il n'y fault rien; Se d'aventure il vous oyt, je vous tien Pour rué jus, car c'est vostre adversaire. Hola, hola, etc.
C'est à ung, etc.
Ne saillez plus, actendez aucun bien.
Vous voulez vous, de vous mesmes deffaire? Prenez conseil, quant c'est pour vostre affaire, Et pour le mieulx, croyez sans plus le mien. Hola, hola, etc.
CHANCON
En songe, .souhaid et pensée Vous voy cha.scun jour de st'pmaine, Combien (|u'estcs de moy loingtaine.
Belle, très loyaument amée, Pour ce qu'estes la mieulx parée De toute plaisance mondaine.
En songe, etc.
Vous voy, etc.
Uutout vous ay maniour donnée, Vous en povez estre certaine, Ma seule Dame, souveraine, De mon las cueur moult désirée.
En songe, etc.
POÉSIES DE CHAULES l)'oill.ÉA\S. 211
CHArsCON.
Aidez ce povre cayenient Souspir, je le vous recommande ; De vous, quant ausmone demande, Ne se parte meschantement.
Son cas monstre piteusement, Il semble que la mort artende.
Aidez ce povre, etc. Souspir, je le, etc.
Donnez lui as.sez largement.
Qu'il ne meure, Dieu Ten deilondc , Aflîn que n'en faictes amende, Au jour d'amoureux jugement.
Aidez, etc.
CHANCON
De leal cueur , content de joye, Ma maistresse, mon seul désir, Plus quoncques vous vueil servir.
En quelque place que je soye; Tout prest en ce que je pourroye.
Pour vostje vouloir acomplir.
De leal, etc.
Ma maistresse, etc.
En désirant que je vous voye, A vostre honneur, et mon plaisir Qui seroit briefment, sans mentir, S'il fust ce que souhaideroye.
De leal, etc.
CHANCON
En faulte du logeis de Joye, L'ostellerie de Pensée M'est par les fourriers ordonnée, .Ne scay coinliien fault (|iie Je y soye.
212 POÉSIES DE CHARLES d'oRLÉANS.
Autre part ne me bouteroye, Content m'en tien, et bien m'agrée.
En faulte, etc.
L'ostellerie, etc.
Je parle tout bas, qu'on ne Toye, Pensant de veoir, quelque année, Quelle sera ma destinée.
Et en quel lieu demeurer doye.
En faulte, etc.
Se mon propos vient à contraire.
Certes, je Tay bien desservy.
Car je congnois que j'ay failly Envers ce que devoye plaire.
Mais j'espoire que débonnaire Trouveray sa grâce et mercy.
Se mon, etc.
Certes, etc.
Je vueil endurer et me taire, Quant cause suy de mon soucy; Las ! je me sens en tel party Que je ne scay que pourray faire.
Se mon, etc.
CHANCON
Et bien, de par Dieu, Espérance, Esse doncques vostre plaisir ?
Me voulez vous ainsi tenir Hors, et eus toujours en balance ?
l'ng jour j'ay vostre bienveillance, L'autre ne la scay où quérir.
Et bien, etc.
Esse doncques, etc.
FOÉSlliS DE CHAlllES DOlill'ANS. 2J3
Au fort, puisque suis en la dance, Bon gré maugré, m'y fault fournir.
Et n'y scay de quel pié saillir, Je reculle, puis je m'avance.
Et bien, etc.
ROINDEL.
Par le pourchas du regart de mes yeulx, En vous servant, ma très belle maistresse, J'ay essayé qu'est plaisir et tristesse, Dont j'ay trouvé main,t penser ennuyeux. Mais de cellui que j'amoye le mieulx, N'ay peu avoir qu'à petite largesse.
Par le pourchas, etc.
En vous, etc.
Car pour ung jour qui m'a esté joyeux, J'ay eu trois moys la fièvre de destresse ; Mais Bon espoir m'a guery de liesse, Qui m'a promis de ses biens gracieux.
Par le pourchas, etc.
CHANCON
Armez vous de joyeux confort.
Je vous en pry, mon povre cueur.
Que destresse, par sa rigueur, Ne vous navre jusqu'à la mort; Vous couvrant d'ung pavaiz, au fort.
Tant qu'aurez passé sa chaleur Armez vous, etc.
Je vous, etc.
Faictes bon guet, tant qu'elle dort; Espoir dit qu'il sera seigneur.
Et fera vostre fait meilleur.
Contre Dangier qui vous fait tort.
Armez vous, etc.
214 POÉSIES DE CllAKI.ES 1>'0RI.F,ANS
CHANCON
Pour vous monstrer que point ne vous oublie, Comme vostre que suis où que je soye, Présentement ma chancon vous envoyé, Or la prenez en gré, je vous en prie. En passant temps, plain de morencolie, L'autrier la fis ainsi que je pensoye ; Pour vous, etc.
Comme, etc.
Mon cueur tousjours si vous tient compaignie. Dieu doint que i»rief vous puis.se veoir à joye ! Et, en briefz motz, en ce que je pourroye, A vous m'offre du tout à chiere lye. Pour vous, etc.
CHANCON
Tousjours dictes : Je vien, je vien; Espoir! je vous congnois assez.
De voz promesses me lassez.
Dont peu à vous tenu me tien.
Se vous requier au besoin mien, Legierement vous en passez.
Tousjours, etc.
Espoir, etc.
Vous ne vous acquictez pas bien Vers moy, quant ung peu ne cassez- Les soussiz que j'ay amassez En me contentant d'un beau rien.
Tousjours, etc.
CHANCON
Loingtain de joyeuse sente, Oii l'en peut tous biens avoir.
Sans nul conlnrt recevoir, Mon cueur en tristesse s'ente.
