POÉSIES DE CHARLES DORIEANS
Mais controuveurs qui mentent faulcemenl, Pour diffamer quelcun parleur malice, Soient pugniz par droit, selon justice ; Pour ce, chascun s'avise saigement.
Pour bien mentir, etc.
RONDEL
Des soucies de la court, J'ay acheté aujounlui, De deulx bien garny j'en suy, Quoique mon argent soit court.
A les avoir chascun y court, Mais quant ù moy, je ni'enfuy.
Des soucies, etc.
J'ay acheté, etc.
Je deviens vieil, sourt et lourt.
Et quant me treuve en ennuy, Nonchaloir est mon apuy, Qui mainleffoiz me secourt. Des soucies, etc.
ROIS DEL
(Jehan Monseigneur de Lorraine.)
Je voy mal faire et mal parler, Je voy meschefz renouveller.
Je voy loyaulté du tout morte, Je voy trahison aspre et forte, Je voy partout tout mal aler.
Je voy hayneurs entre acoler.
Vérité voy dissimuler, Grans et petiz sont du ne sorte.
Je voy mal, etc.
Je voy vertuz aux piez fouler.
Je voy amictié desseler, Raison voy musser à la porte.
Par mehain voy justice morte , Quant honneur veult voile caller Je voy mal, etc.
416 POÉSIES DE CIIAKIES d'oRI.ÉANS.
RONDEL
Jrhan Monseigneur de Lorraine.)
Je prens le temps ainsi qu'il peut venir. Je metz courroux hors de mon souvenir.
Je suis content de tout ce que j'oy dire, Je n'ay soucy qui me garde de rire, Je suis d'amours bien aise à tenir.
Dorénavant plus ne vueil vivre en dueil, Dorénavant consentir plus ne vueil Qu'âme, fors moy, ait de mon cueur la garde. C'est folie d'asubgetir son vueil.
C'est simplesse que pour ung regart dueil, Sans coup ferir, te blesser par mesgarde. N'ay je pas droit de joyeulx devenir ? N'ay je cause de mon ennuy bannir?
N'ai je raison de rigueur desconfire?
Ne doy je pas paix et repos eslire ?
Je dye oy, et pour ce maintenir. Je prens le temps, etc.
RONDEL
Je n'ay deffaulte que de veue.
Et ne congnois riens qu'à demy.
En nonchaloir j'ay tant dormy Qu'ay mainte chose descongneue.
Vieillesse tient mon cueur en mue, Accompaignée de soucy.
Je n'ay, etc.
Et ne, etc.
Plus ne suis de la retenue De jeunesse qui m'a banny; Mais, au fort, puisqu'il est ainsi.
Souffrir fault fortune advenue.
Je n'ay, etc.
RONDEL
Tais loy, cueur, pourquoy parles tu?
POF.SIKS IIK r.HAlU.ES 1) OIU.F.WS.
C'est folie de trop parler De re que ne puis amender.
Ton jangler ne vault ung festu ; Tu pers temps, despoir devestu.
Pense de toy reconforter.
Tais toy, etc.
C'est folie, etc.
J'ay desja plusieurs ans vescu.
Et tant congnois qu'au par aler Il faut bien, ou mal endurer.
Riens ne gaigner d'estre testu.
Tais toy, etc.
RONDEL
Qu'a mou cueur. qui s'est esveillr, A faire chancon, ou balade?
Dieu mercy, il n'est plus malade, Tant a par eaue travaillé ; D'Orléans s'est appareillé .Aler à Blois mangier salade.
Qu'a mon, etc.
A faire, etc.
Son harnois fourbira rouillé, Quelque foiz aussi sa salade ; Mais qu'il ait joyeuse ambaxade, Tout se trouvera retaillé.
Qu'a mon, etc.
RONDEL
(Orléans.)
Fout plain ung sac de joyeuse promesse, Soubz clef fermé, en ung coffin d'oublié, Qui me poursuit, certes c'est grant folie. Tant qu'on en ayt par raison, à largesse; Craindre ne fault Fortune la diverse, Qui Passe temps avecques elle alie.
Tout plain, etc.
Soubz ciel', etc.
-ÎIH POÉSIES I)K OHAHLES d'oKLKANS.
Conseil requier à gens plains de sagesse, Qui mieulx saura, si leur plaist, com le die; Car Bon espoir, quoy qu'on le contrarie, A droit \ endra et trouvera richesse.
Tout plain, etc.
RONDEL
(Benoist d'Amien.)
Nagent en angoisse parfonde.
Où jove, ne plaisir n'abite, Mon dolent cueur en nef mauldite, D'Ercules a passé la bonde ; D'y avoir bien nul ne s'y l'onde, La voye si est interdite.
Nagent, etc. Oùjoye, etc.
L'aider, nul ne peut en ce monde, Fors Thetis qui Déesse est dicte De la mer, car, sans contredite, En elle tout povoir habonde.
Nagent, etc.
ROND EL
( Benoist d'Aniieii.)
Tant plus regarde, moins y voy; Et plus y voy, moins y congnois ; Le monde va de deux en trois.
Sans savoir comment, ne pourquoy.
Faulceté règne, et tient sa loy En trestous les lieux où je vois.
Tant plus, etc.
Et plus, etc.
Loyaulté si est en j'ecoy, Déboutée on Fa tant de foiz, Que passez sont mains jours et mois.
Qu'on ne la vit, com me je croy.
Tant plus, etc.
POÉSIES DE CHARLKS DORl.ÉANS. 419
RONDEL
Dieu les en puisse guerdonnei-, Tous ceulx qui ainsi tormenter Font, de vent, de neige et de pluye, Et nous et nostre compaignie; Dont peu nous en devons louer.
Mais il fauldra qu'au par aller.
Comment qu'il en doye tarder, Que nous, ou eulx, en pleure, ou rie.
Dieu les, etc.
Or ca, il lault parachever, Et puisqu'il est trait, avaler; On congnoistra qu'est de clergie, D'Orléans trait de Lombardie, Tous bien faiz convendra trouver.
Dieu les, etc.
RONDEL
Prenons congié du plaisir de noz yeulx,
Puisqu'à présent ne povons mieulx avoir,
De revenir faisons nostre devoir,
Quant Dieu plaira, et sera pour le mieulx.
Il faut changier aucuneloiz les lieux,
Et essayer, pour plus, ou moins savoir.
Prenons congié, etc.
Puisqu'à, etc.
Ainsi parlent les jeunes et les vieulx ;
Pour ce, chascun en face son povoir.
Nul ne mecte sa seurté en espoir,
Car aujourduy courent les eurs tieidx qiieulx.
Prenons, etc.
RONDEL
M'appelez vous cela jeu ?
En froit d'aler par pays; Or pleust à Dieu qu'à Paris Nous foussiniis empres le feu.
420 POÉSIES flH CHiRI.ES d'oKLÉANS.
Nostre prouffit veulent peu, Qui en ce point nous ont mis.
M'appelez, etc. En froit, etc.
Deslyer nous faut ce neu.
Et desployer faiz et dis,
Tant qu'aviengne mieulx, ou pis,
Passer convient par ce treu.
-VFappelez, etc.
ROINDEL.
De Vieillesse porte livrée Qu'elle m'a puis ung temps donnée, Quoy que soit contre mon de.sir , Mais maugré myen le fault soult'rii-, Quant par Nature e.st ordonnée.
Elle est d'ennuy si fort bordée.
Dieu scet que l'ay chiere achaptée, Sans gueres d'argent de plaisir.
De Vieillesse, etc.
Par moy puist estre bien usée, En eur et bonne destinée, Et à mon souhait parvenii\ Tant que vivre puisse et mourir Selon Tescript de ma pensée.
De Vieillesse, etc.
RÔINDEI..
( Orléans, j
Saluez moy toute la compaignie
Oii à présent estes à chiere lie ,
Et leur dictes que voulentiers seroye
Avecques eulx, mais estre n"y porroye.
Pour Vieillesse qui m'a en sa baiilie.
Au temps pa.ssé, Jeunesse si jolie
.Me gouvernoit : las ! or n'y suis je mye,
Et pour cela, pour Dion, que excusé soyc.
Saluez mov, etr.
POÉSIES DE CHARLES u'oRLÉANS- 421
Amoureux fus, or ne le suis je niye.
Et en Paris menoye bonne vie; Adieu bon temps, ravoir ne vous saroye. Bien sanglé fus d'une estroite courroye, Que, par aige, convient que la deslie.
Saluez moy, etc.
CHAiSCON.
Et eussiez vous, Dangier, centyeulx Assis, et derrière, et devant.
Ja nyrez si près regardant.
Que vostre propos en soit mieulx; Estre ne povez en tous lieux.
Vous prenez peine pour néant.
Et eussiez, etc.
Assis, etc.
Les faiz des amoureux sont tieux.
Tousjours vont en assoubtivant.
Jamais ne saurez faire tant Qu'ilz ne vous trompent, se m'aisl Dieux. 'Et eussiez, etc.
CHAîvCON.
Patron vous fais de ma galtc Toute chargée de pensée, Confort, en qui j'ay ma fiance.
Droit ou pais de Desirance, Briefment puissiez faire arrivée:
Affin que, par vous, soit gardée De la tempeste fortunée Qui vient du vent de Desplaisance. Patron, etc.
Au port de Bonne destinée Deschargez tosl, sans demourée, La marchandise dEsperance; Et m'aportez quelque finance, Pour paier ma joye empriintik'.
Patron, etc.
422 l'OlSIES DE CHARLES I»ORI ÉANS
RONDEL
Apres l'escarde roule.
Mectons à saquernenl Annuyeulx pensement.
Et sa brigade toute; Il crye : Volte route, Râlions nostre gent.
Apres, etc.
Mectons, etc.
Se Loyaulté s'y boute, Par advis saigenien t T)ye gaillardement :
Daly brusque sans double.
Apres, etc.
RONDEL
Les fourriers d'Esté sont venus Pour appareillier son logis.
Et ont fait tendre ses tappis, De fleurs et verdure tissus ; En estendant tappis velus De vert herbe par le pais.
Les fourriers, etc.
Pour, etc.
Cueurs dennuy pieca morfondus.
Dieu mercy, sont sains et jolis :
Alez vous en, prenez pais, Yver, vous ne demourerez plus.
Les fourriers, etc.
ROjNDEL.
Ce mois de May, ne joyeulx, ne dolent Estre ne puis ; au fort, vaille que vaille . C'est le meilleur que de riens ne me chaiile. Soit bien ou mal, tenir m'en fault content: Je laisse tout courir à val le vent.
l'oÉslES OE CHARLES d'oKLÉANS. 423
Sans regarder lequel bout devant aille.
Ce mois, etc.
Estre ne, etc.
Qui Soussy suit, au derrain s'en repent ; Cest ung mestier qui ne vault une maille. Avantureux comme le jeu de faille , Que vous semble de mon gouvernerment ?
Ce mois, etc.
RO^iDEL.
Le temps a laissié son manteau De vent, de froidure et de pluye.
Et s'est vestu de brouderie De souleil luisant, cler et beau.
Il n'y a beste, ne oyseau, Qu'en son jargon ne chante, ou crie :
Le temps, etc.
De vent, etc.
Rivière, fontaine et ruisseau.
Portent, en livrée jolie.
Goûtes d'argent d'orfaverie, Chascun s'abille de nouveau.
Le temps, etc.
RONDEL
(Orlean'^.)
.Mais que mon propos ne m'empire.
Il ne me chault des faiz d'Amours, Voisent à droit, ou à rebours, Certes je ne m'en fais que rire.
En ne peut de riens m'escondire.
Aide ne requiers, ne secours.
Mais que, etc.
Il ne me, etc.
Quant j'oy ung amant qui sous[)jr(\ .\, ha ! dis je, vêla des tours Dont usay en mes jeunes jours.
524 POÉSIES DE CHARLES l)'ORI,ÉA\S.
Plus n'en vueil, bien me doit souffire. Mais que, etc.
RONDEL
(Kobertet.)
Ung droit César en libéralité,
Ung granl Chaton en pure integrit('',
Ung Fabius en foy non defaillable,
Vous tient chascun vray, constant et estahlc
Duc d'Orliens, prince très redoubté.
En si hault sang, parionde humilité,
Clémence grant et magnanimité ,
Cela avez; mais vous passez, sans fable,
Ung droit César, etc,
En vostre bouche tousjours a vérité, En cueur, amour et ardent charité, En loyaulté non jamais variable; Qu'afficrt il plus à Prince si notable? Puisqu'on vous tient, parlant en équité, Ung droit César, etc.
Ung robertet indigne à porter plume.
Pour atouchier après voz haulx escriptz, Ces petiz vers icy vous a escriptz, De rude mains, plus pezant quim enclume.
RONDEL
(Cadier.)
Vous Tung des plus nobles du monde Prince, très redoubté Seigneur, A Blois m'avez acreu d'onneur.
Dont joye en moy trop surhabonde.
Par vostre humilité parfonde, Dieu vous en soit retributeur.
Vous l'ung, etc.
Prince, etc.
.Pay peu science, moins faconde, Et encore prudence mineur,
POÉSIES DE C.IIARI.ES n'oRI.F.ANS. 42S
Et VOUS me clamez serviteur Digne pour estre en table ronde.
Vous Tung, etc.
Cadier, qui endormy estoit.
Avez tout esveillé en joye.
Il prie Dieu qu'il vous octroie -Autant de bien qu'il vous vouldroit.
RONDEL
(Bourbon )
Gardez vous bien du cayement.
Ung chascun tendez y Foreille.
Pour vous décevoir tousjours veille, Escoutez s'il dit vray, ou raant.
Il vous trompera meschamment.
Pour ce que sans cesser traveille.
Gardez, etc.
Ung chascun, etc.
Dieu met en mal an le flament, Vous direz qu'il dort et sommeille Quant il va ; mais il se reveille En temps et lieu, incessamment Gardez vous bien, etc.
RONDEL
Des droiz de la porte Baudet.
Pour toute recompense et paine, ■Tout au beau long de la .sepmaine.
Suis servy comme ung grant cadet:
Si doulx ne sont que muscadet, Rien n'en vault le fruit, ne la graine. Des droiz, etc.
Pour toute, etc.
C'est bien joué du soubz coudet.
Puisqu'il le fault, ribon ribayne, Endurer, comme à la quinlayne, On en deust servir Mistodet.
Des droiz, etc
i2fi POÉSIES DK CHAKLKS UOKLEANS.
RONDEL
Gardez vous bien de ce lauveau.
C'est une dangereuse beste, Arsoir, me donna par la teste, Tant qu'il me rompit le cerveau.
Il est ferré tout de nouveaii .
Et rue comme la tempeste.
Gardez vous bien, etc" C'est une, etc.
Et combien qu'il soit bon et beau.
Doulx au brider, et faisant feste A ung cliascun, vous amonneste Que vous ne le peignez sans eau .
Gardez vous bien, etc.
BALADE
En ceste nouvelle saison
Qui remplist jeunes cueurs de joye.
Et qu'Amours sault de sa maison
Pour conquester aucune proye;
Nulle riens n'ay qui me guerroyé.
Se non Jeunesse qui me prie
D'estre amoureux plus conques mais,
Mais ainsi ne feray je mye,
Il me vault mieulx tenir en paix.
Je ne congnois point d'achoison Pourquoy son conseil croire doye, En elle n'a riens de raison:
Pour trop loi doncques me tendroye.
S'apres elle me gouvernoye; Quel besoing est que je me lie ?
Quant je suis franc en tous mes fais:
Pardieu, ce seroit grant folie.
Il me vault mieulx tenir en paix.
Je suis de ceste entencion.
Et seray quelque part que soye :
Mais Oiou me gart de la prison
FOÉSIES DE CHARLES b'oKLÉANS. -427
Qu'Amours souventeffoyz m'envoye, Par mes veulx qui trop vont en voye .
Combien'que souvent je leur die Qu ilz font mal, dont je leur desplais; Pour ce, pour avoir d'eulx maistrie.
Il me vault mieulx tenir en paix.
J'ay essayé toute ma vie Qu'est de porter amoureux taiz, . Pourquoy congnois, sans moquerie.
11 me vault mieulx tenir en paix.
