LA TULIPE

* MADRIGAL

Je suis le plus brillant ouvrage i

Dont le pinceau de Flore embellit les Estez, Et sur les autres fleurs j'ay le mesme avantage Qu'a le feu de tes yeux sur les autres clartez.

Mais dans l'éclat qui m'environne, Et qui de cent couleurs relevé mes beautez,

La gloire que le Ciel me donne

D'estre une fleur de ta couronne,

A pour moi de si doux appas Que, bien que de ma mort ma gloire soit suivie,

Pour mourir d'un si beau trépas

J'ayme mieux la mort que la vie.