CHAPITRE III

Comment saincte Anne plouroit pour t amour de Joachin ; mais Fange la vint réconforter.

Quant saincte Anne ne trouva pas son mary, elle pria Dieu , disant : « Sire Dieu , puisque je ne puis avoir enfans , pourquoy m'as-tu osté mon mary. » Et se print à plourer et disoit : « Que ne m'avez-vous donné filz ou fille , je les vous eusse offerts au temple. » Adonc l'ange lui dit : « Ne te esbahis pas , car tu concepvras ung enfant par le vouloir de Dieu. » Puis s'en alla. Et Saincte Anne fut toute troublée de paour , et se mist dessus son lict comme demy-morte, et appella sa servante et lui dit : « Pourtant que je ne puis avoir enfans , on ne me doit nullement priser. » Et elle luy respondit : « Je n'en puis mais si n'en pouvez avoir ; si Dieu vous a osté vostre mary , c'est pour vos péchez* w Dont elle ploura tendrement.