I. Si c’estoit en plein jour ? — R. Quouy

Exhortée à confesser franchement son crime et quand elle s’est donnée au diable.

R. Qu’elle a dict tout ce qu’il luy est arrivé et quelle ne veust pas faire tort à la justice en luy disant des mensonges.

I. Si ladite ombre ne s’estoit pas apparue à elle autrefois? — R. Quand autrefois en venant de Cologni estant seule il y eust quelque chose qui luy parlast.

I. Que c’est qu’il luy dict ? — R. Qu’elle n’entendist rien mais seulement qu’il la poussa comme pour la jetter par terre.

I. Comment estoit ladite ombre? — R. Que c’estoit comme la forme d’un gros chien.