I. Quand ce fust? — R. Que ce fust lorsqu’elle

venoit du bois des frères au bas de Chastelaine dans le grand chemin.

I. Si elle avoit quelque fascherie? — R. Qu’elle estoit faschée de ce qu’une femme cestoit querellée avec elle.

I. Que c’est qu’elle respondit à la demande que le Diable luy fist ? — R. Qu’elle se donnoit à luy.

I. Si elle eust pas peur quand elle vist ladite ombre? — R. Quouy.

I. Si ladite ombre luy dict pas qu’elle estoit le Diable? — R. Quouy.

I. Que c’est qu’elle respondit ? — R. Que si elle eust esté bien advisée elle l'eust chassé bien loing de soy et quelle demande pardon à Dieu de sa faute.

I. S’il est vray qu’aussitost que ce diable se fust desclaré elle se donna à luy ? — R. Quouy.