DÉLIBÉRATION DU CONSEIL DE LA VILLE DE REIMS

S septembre 1 429.

Imprimée d'après ce qui reste des registres de l'hôtel de ville de Reims, par M. Varin ; même ouvrage et même volume que la pièce précédente, p. 743.

Lundi ve de septembre mccccxxix, par Anthoine (le Hel lande, cappitaine, et présens monseigneur de Saint Denis, maistre N. Syrene, maistre G. Duguet; J. Caillart, C. Hurtaut, eschevins; G. Hodierne, G. Lescot, maistre P. Chardon , maistre J. Cabert, maistre P. de Moutfaulcon, maistre H. La Barbe, et pluseurs esleuz et autres jusques au nombre de iiij " personnes ,

A esté délibéré de paier les despens du père de la Pucelle (1) et de lui bailler un cheval pour s en aller.

Item d'escripre au roy et à monseigneur de Reins, sur les appatis que font les gens de Poton estant à Chastel- Thierry et autres garnisons, et qu'il leur plaise y pourveoir; et pareillement à la Pucelle, et que on y pourvoye.

(1) Voir l'article des comptes de la ville qai constate le payement de cette dépense , ci-après au chapitre des Extraits empruntés aux livres des comptes, titre du voyage cl séjour de la Pucelle à Reims.

OUTRAGE PUBLIC FAIT A LA MAGISTRATURE D'AB- BE VILLE A PROPOS DE LA PUCELLE.

Vers le 15 septembre UM.

Rémission du Trésor des chartes, publiée ici pour la première fois, d'après le registre J, 175 (pièce 125-) des Archives du royaume. Les Bénédictins l'ont citée au mot Persina de leur supplément au Glossaire de Du Cange, à cause de la locution sentir la persinie qui y est employée deux fois.

Henry, par la grâce de Dieu roy de France et d'Angleterre, savoir faisons à tous présens et advenir nous avoir esté humblement exposé de la partie de Colin Gouye, dit le Sourt, et Jehannin Daix, dit Petit, natifs de la ville d'Abbe ville, prisonniers en noz prisons d'Amiens :

Comme de tout leur temps ilz se soient maintenuz et gouvernez soubz nostre obéissance et de leurs povoirs emplaiez en nostre service; lesquelz, tantost après que noz ennemis et adversaires, estant en leur compaignie la femme vulgaument nommée la Pucelle, furent venuz en nostre royaume et paiis de France et par especial devant nostre ville de Paris, en un certain jour lesditz supplians estans en la compaignie d'un nommé Colin Broyart devant et assez près de l'ostel d'un mareschal nommé Guillaume Dupont, en nostre ville d'Abbeville, entendirent que aucuns parloient des faiz et abusions de iadicte nommée vulgaument la Pucelle, et par especial un hérault; auquel hérault ledit Petit eust dit : «Bran, bran, » et

ET AUTRES PIÈCES DÉTACHÉES. 143 que chose que dist ne fist icele femme, n'es toit que abusion ; et pareillement le dirent ledit Colin et autres dessusditz; et que à icele femme l'en ne devoit adjouster foy ; et que ceulx qui en icele avoient créance estaient folz et sentoient la persinée,ou paroles semblables en substance; et oultre que il en y a voit en ladicte ville plusieurs autres qui sentoient la persinée; non pensant donner charge à aucuns des bous bourgois et manans et habitans de nostredicte ville ;

Pour lequel cas et autres paroles dont ilz estoient souspeçonnez par les maire et eschevinsde nostredicte ville d'Abbeville, lesditz supplians et ledit Colin Broyart furent faiz prisonniers par lesditz maire et esche? ins et longuement tenuz en estroictes et dures prisons et depuis mis en noz prisons à Abbeville, où ilz furent certaine espace de temps à grant rigueur du lez desditz maire et eschevins. Et eulx estans ès dictes prisons, eurent congnoissance que nous et nostre très chier et très amé oncle et cousin le duc de Bourgoigne, faisions assemblée de gens d'armes et de trait pour résister à l'entreprise de noz ennemis et adversaires : pour quoy, lesditz supplians et ledit Broyart ensemble furent meuz de eulx partir. Et de fait se partirent desdictes prisons par un trou qu'ilz firent entre deux coulombes et alèrent jusques à la forteresce par laquelle ilz se dévalèrent par une corde ès fossez, passèrent oultre et alèrent en nostre service tant au siège deCompieigne comme ailleurs; là où ilz ont tousjours continué jusques à certain temps qu'ilz estoient retournez en nostredicte ville, nous estant en nostre ville de Rouen, en enteucion d'aler vers nous pour estre pourveu sur ledit cas.

El eulx estans ylec, eurent congnoissance que uu nommé Jehan Laudée, bourgoiset manant en nost redicte ville d'Abbeville, pourchassoit moult fort de eulx donner empeschement : par quoy se conclurent et envaïrent environ le soir ledit Jehan Laudée et sur lui tirèrent leurs espées, sans ce que ledit Laudée feust aucunement blecié ne navré; et doubtant la puissance dudit Jean Laudée qui fa i soit grant assemblée de peuple pour trouver et porter danger ausditz supplia ns de leurs corps, passèrent par dessus les murs de ladicte ville et oultre lesditz fossez secrètement.

Pour lesquelz cas lesditz supplians ont esté appelez à noz droiz et bannis de nostre royaume de France à tousjours. Et néantmoins ont continué en plusieurs lieux en nostre service et telement que derrenierement, ainsi qu'ilz s'en aloient en la compaignie du seigneur d'Omont en entencion d'aler au siège de Laigny, ont esté prinz par noz gens et officiers de Monstereul et menez vers nostre bailli d'Amiens, où ilz sont prisonniers, en voie de finir leurs jours misérablement se, sur ce, ne leur est impartie nostre grâce et miséricorde, si corne ilz dient, etc.

Pourquoy nous, ces choses considérées, voulans miséricorde estre préférée à rigueur de justice, ausditz supplians et a chacun d'eulx oudit cas, avons quicté, remis et pardonné, remectons, quictons et pardonnons de nostre grâce cspecial, pleine puissance et auctorité royal, les faiz et choses dessusdictes, etc.

Donne aux champs devant Laigny-sur-Marne, le vie jour de juillet Tan de grâce mil ccccxxxn et de nostre règne le dixiesme.

Ainsi signé : Par le roy à la relacion de monsei-

ET AUTRES PIÈCES DÉTACHÉES. 145 gneur le gouvernant et régent de France, duc de Bedford. J. de Rivel.