SIÈGE DE LA CHARITÉ
24 novembre 1429.
Pièce imprimée par La Thaumassière en son Histoire de BerTf, p. 161, d'après une copie que lui avait communiquée M. Gassot de Priou.
A tous ceux qui ces présente lettres verront , Guillaume Bastard, licencié en droit canon et civil , lieutenant de monseigneur le Bailly de Berry, salut. Scavoir faisons qu'aujourdhuy, nous séant en jugement, illec assistans plusieurs des plus notables bourgeois et gens de conseil de ladicte ville, est venu par-devant nous Pierre de Beaumont, procureur desdietz bourgeois et habitons de ladicte ville de Bourges, disant que promptement et sans délay falloit envoyer par iceulx bourgeois et habitans à haut et puissant seigneur monseigneur d'Albret, comte de Dreux et de Gavre, lieutenant du roy en sou pays de Berry sur le faict de la guerre, et Jehanne la Pucelle, estans au siège devant la ville de La Chanté sur Loire , par l'ordonnance et commandement du roynostredit seigneur, la somme de treize cens escuz d'or couransà présent, pour entretenir leurs gens, ou aultrement conviendrait eulx et leurs dictes gens partir de devant ladicte ville et lever ledict siège, qui seroit plus grant dommaige pour ladicte ville et tout le pays de Berry, se ledict siège estoit levé pour défault de paiement de ladicte somme ; et qu'on trouverait aucuns bourgeois parti-
culiers de ladicte ville qui presteroient ice lie somme en mectant à prix ou enchère la ferme du treiziesme du ▼in vendu en détail en ladicte ville de Bourges pour un an commencé le onziesme du présent mois de novembre, etc., en nous requérant que ladicte ferme fassions criera l'enchère, etc. Aprez lesdictes requestes à nous ainsi faictes , avons demandé l'opinion desdictz bourgeois et gens de conseil aussi assistans , comme dessus est dit, l'ung aprez l'aultre, se pouvions faire les choses dessusdictes , etc. Lesquieux nous ont respondu que licet et faire le pouvions pour obviera plus grant dommaige, et y donnoient leur consentement. Pour quoy nous , oys les requeste , opinion et consens dessusdiclz, aux quatre commis et esleus au gouvernement de ceste ville, avons donné congé, licence et auctorité de par le roy, de mectre ou faire mectre sus ladicte ferme, etc. Et incontinent avons fait crier à l'enchère ladicte ferme, etc., laquelle aprez plusieurs criz estdemouréeà l'enchère, comme au plus offrant et dernier enchérisseur, en nostredicte présence, à Jehan de la Loe, bourgeois de Bourges, aux prix et somme de deux mil livres tournois ; lequel Jehan a promis bailler et fournir incontinent lesdietz treize cens escus , etc. Et ce à tous qu'il appartiendra, certifiions par cesprésentes lectres, comme de faict ez jours tenuz à Bourges par nous, lieutenant dessusdict, et données sous le seel des causes dudict bailliage, le xxiiij* jour de novembre Tan mccccxxix. Signé , Chasteaufort.
