AU PARLEMENT DE TOURS
HENRY par la grâce de Dieu, Roy de
France et de Navarre, a noz amez et feauîx les gens tenans nostre CouH de Parlement de Tours , Salut.
La justice bien et deuement administrée faict régner heureusement les Roys et contenir leurs subjectz en l'obbeissance qu'ilz lui doibvent, les faisant vivre en bonne union, concorde et amitié , aussi esse la principalle colonne sur laquelle nous voulions ap-
puyer les fondemens do nostre Estât , que nous penserions ne pouvoir subsister aultrement, n'ayant rien en si grande recommandation après l'honneur de Dieu que la faire distribuer esffallement et en toutes saisons à nos subjectz comme nous y sommes tenuz et obligez ; et par ce que durant le temps des vaccations qui aproche maintenant auquel vous avez accoustumé vous retirer en vos maisons aux champs pour vacquer à voz afîaires particullieres et donner quelque relasche à la peine que vous avez eue tout du long de l'année , il se pourra présenter plusieurs affaires dont le retardement importeroyt non seullement à aucuns de noz subjectz en particullier, mais aussi generallement à tout nostre Royaulme en ceste saison que le mal qui l'a affligé depuis un si long temps continuant encores, il est nécessaire (jue cli.iciin y moite la main |)our y apporter
la garison qu'il semble que Dieu par sa grâce et bonté veult bien tost envoyer, pour ne rien oublier de nostre costé que nous pensions y pouvoir apporter quelque advancement, Nous vous mandons, commandons et expressément enjoignons par ces présentes signées de nostre propre main que vous ayez à continuer le Parlement, sans aucune intervention jusques à la feste Sainct Martin prochaine ; faisant les despesches et expéditions nécessaires à nosdictz subjectz poursuivans leurs procès et affaires pardevant vous , tout ainsi et en la mesme forme et manière que vous avez accoustumé faire , sans que aucun d'entre vous puisse soubz prétexte dudict temps des vaccations ny soubz aultre coulleur ou pour quelque occasion que ce soyt desemparer la compagnie et discontinuer l'exercice et administration de la justice que nous voulions estre rendue
sans intermission à nosdictz siibjectz ; car tel est nostre plaisir.
Donné au camp de Sainct Denis en France le premier jour d'aoust, Tan de grâce mil cinq cens quatre vingtz dix , et de nostre règne le premier.
Ainsi signé : HENRY ; et plus bas :
Par le Roy. RuzÉ.
Scellée sur queue simple du grand sceau en cire jaulne.
Leues, publiées et registrées, ouy et le requérant le Procureur gênerai du Roy, et ordonné que coppies collationnées à l'original seront envoyées par tous les bailliages et seneschaulcées de ce ressort pour estre leues et publiées. Enjoinct la Court aux Substituds dudict Procureur gênerai le requérir et aux juges procedder à la
publication et en certiffier la Court le plus tost que faire ce pourra , selon la distance des lieux, et a faict inhibitions et deffences conformément à la volonté du Roy, aux advocatz et procureurs de se retirer hors cette ville, sans le congé dudict Seigneur ou permission de ladicte Court.
A Tours en parlement le neufviesme aoust mil cinq cens quatre vingtz et dix.
Signé : Maignan.
( Fonds Dupiiy,215. )
1593 , -2tî février.
A noz chers et bien amez les eschevins et habitans de nostre ville de Moulins.
Chers et bien amez, ayant ordonné à nostre cousin le duc de Ne vers, gouverneur de nostre direction générale en Champaigne et Br^e, de faire ramener au plus tost ez nostre dicte province de Champaigne les deux canons que nostre cousin le mareschal d'Aumont a cy devant laissé en nostre ville de Moulins, nous escrivons au sieur de Chazeron qu'il face dellivrer ces deux canons a nostre dict cousin ou a ceulx qu'il enverra pour les recepvoir en vous rendant les recepissez des deux dicts canons que le dict sieur de Chazeron et vous aurez donné à nostre <li(M cousin le mareschal (l'Auiuont, i\o
quoy nous vous avons bien voullu advertir affm que de vostre part vous n'y faciez aulcune difficulté. Car tel est nostre plaisir et le bien de nostre service le requiert.
Donné à Tours le xxvj^ jour de febvrier 1593.
HENRY
Potier.
( Fonds Béthune, ms. 9113, fol. 23.)
1593, 23 mars.
A Monsieur DE SILLERY, conseiller en mon conseil cC Estai et mon ambassadeur en Suisse.
Mons"" de Sillery, Sur les sept mil escus ordonnez pour le régiment du collonnel Galaty, composé de quatorze compaignies, j'entendz que le cappitaine Studer en touche douze cens, et le cappitaine Hessy mil, dont les quatre cens luy seront seuUement rabbatus sur ce qui luy est deu , et des six cens de reste je luy en faictz don , pour le recompenser et reconnoistre de la perte qu'il a souflerte, à cause de l'inconveniant qui luy est advenu pour mon service avec le cappitaine FieuUor. Je veulx aussy que la part qui drbvoit venir aux cappitaines Znnnoi" ot Kessel
ci Fieullcr soit baillée audict cappitaine Studer, attendu qu'ilz sont du party de mes ennemys et ont porté les armes contre moy depuis leur licentiement. Vous me ferez service bien agréable d'y tenir la main ; car je desire gratiffîer en tout ce qui deppendra de moy ledict Studer et Hessy pour leur donner moyen de continuer tousjours en la bonne affection que j'ay reconneu qu'ilz ont au bien de mes affaires. Sur ce je prie Dieu, Mons"" de Sillery, vous avoir en sa saincte garde.
Escript à Tours le xxiij*^ jour de mars 1593.
HENRY
