AU PARLEMENT DE TOURS

Nos amez et féaulx , sur la recongnoissance en laquelle les habitans de nos villes d'Orléans et de Bourses sont entrez avec le S"" de la Chastre de la fidélité et obéissance qu'ils nous doivent et la protestation qu'ils nous ont envoyé faire par leurs députez de la nous vouloir cy après rendre comme bons et loyaulx subjectz , nous les avons amiablement recueillis et embrassés et avons voulu non seulement leur oster toute appréhension de ressentiment des choses passées, mais encores user envers eulx de spéciales gratisfications pour d'autant plus les asseurer de notre bonne nrràce et connrnifM eu I.» bonne o\ louable résolu-

tion qu'ils ont prinse ainsi que verrez par nos lettres patentes en forme d'édit qu'avons sur ce faict expédier, lesquelles nous avons advisé de vous envoler par ce porteur exprès l'ung de nos huissiers de chambre pour estre vériffiées et intérinées en notre court de Parlement et d'autant que s'il y intervenoit difficulté ou longueur, cela pourroit apporter quelque altération de leurs bonnes volontés qui seroit non seulement de dangereuse conséquence, mais aussi de mauvais exemple pour les autres villes qui peuvent avoir semblable inclination : A ceste cause , nous vous mandons et très expressément ordonnons que vous aiez à procéder incontinent et avant tous autres affaires à la dite vérification d'icelles noz lettres patentes purement et simplement et sans aucune restrinction ne modiffication à ce que estans au plus tost rapportées en icelles villes avec la dite

expédition , toutes choses y puissent estre ordonnées et establies ainsi qu'il appartient pour le bien de notre service dont le principal fondement dépend de l'asseurance que par ce moien il espèrent et attendent de nostre part, ainsi que noz amez et féaulx président et conseillers de nosti'e dite court voz déléguez vers nous l'ont particulièrement entendu, ausquelz nous avons ordonné vous escrire les justes occasions et le besoing d'accélérer cest affaire ensemble notre intention pour ce regard selon la déclaration que leur en avons faicte.

Donné à Chartres le xxV jour de février 1594.

HENRY

Revol.

( Airliivt's de l'Empiri". Sccl. judiciaire, \ 10144. ï" 114. Original. ,

1396, 24 janvier.

A la Royne douairière LOUISE DE VAU- DEMONT en son chasteau de Chenonceau.

Madame, J'ay donné charge au S'" de Ronet de vous visiter de ma part et vous dire la peine où je me trouve de vous représenter ung afl'aire dont la seulle mémoire me comble de douleur, combien m'est a cœur la vengeance de ce qui est traistement advenu en la personne du feu Roy, que Dieu veuille avoir en sa gloire! J'estime de l'avoir tesmoigné es batailles et autres exploictz de guerre où pour cest effect j'ay voluntiers exposé ma vie, comme vous avez sceu, j'ay commandé à tous mes officiers et speciallement a ma Court de Parlement de chercher par tous

moiens d'avérer la vérité d'ung si exécrable assassignat ; jusques a présent il n\a pas j)leu a Dieu que ce mien désir ait esté accomply, Tœil de la justice divine, qui veoit toutes choses, ne permettra pas, comme j'espère, qu'une si grande felonnye demeure impugnye , et pour mon regard je ne perdray jamais la volunté d'en faire faire la justice que je ne perde la vie ; vous priant, Madame, de vous asseurer de la parolle qu'en cela je vous donne et de croire que quelque conseil qui m'ait esté donné par ceux de mes serviteurs que j'ay congneu les plus affectionnez au bien de cest Estât , de reprendre en ma bonne grâce mon cousin le duc de Mayenne, je ne m'en eusse peu resouldre si par aucunes preuves il m'eut apparu qu'il soit autheur ou consentant audict assassigiiat ; mais ayant veu par les informations qui sur ce ont esté faictes depuis sept

ans en çà qu'il n'y a point de charge contre luy ny contre les Princes et Princesses qui ont adhéré a son party, j'ay esté conseillé par les Princes, officiers de ma couronne et plusieurs autres qui sont les principaux en mon Conseil, rappellant auprès de moy ledict duc de Mayenne , de trouver hon qu'il ne luy demeurast aucun soubzçon que par cy après on le vueille recherche de ce malheureux et traistre assassignat, sur ce que ledict duc a remonstré qu'il demande d'en estre déclaré innocent, non pour crainte qu'il se puisse trouver avec vérité qu'il en soit chargé, estimant que le terme de sept ans que l'on a continué l'inquisition de ce crime le justiffîe assez, n'ayant aparu pas ung seul tesmoing ne indice qu'il en soit chargé ou soubzçonné, mais que ayant esté contrainct par le malheur de la guerre ci ville diffamer en ce Royaume plusieurs personnes de toutes qualitez.

il ne peult estre qu'il ne luy demeure quelque soubzçon en l'esprit que, si on le verra desarmé , ses ennemys qui prennent aisément conseil de suborner par argent leurs faulx tesmoings pour se vanger de luy et mectre son honneur en compromys et sa vie en danger. Ces considérations, Madame, ont faict que je ne me suis résolu d'accorder l'exception contenue audict Edict touchant ledict duc de Mayenne, Princes et Princesses qui ont adhéré à son party, car jugeant par l'advis de tous les principaux de ce Royaume qu'il estoit très expédient et très nécessaire de finir ces guerres civilles par une bonne paix, il a faillu, voullant la paix, que j'aye aussi voullu et accordé ladicte demande, puisque aultrementje ne pouvois avoir la paix ; ledict duc de Mayenne eust mieux aimé de se justiffier par ung arrest <\o ma Court de Parlement , et pour rest elVcct eust

désiré que mon procureur gênerai eust encore eu six mois et ung an de terme, pour s'informer s'il pouroit avoir charge contre luy ; mais il n'y a pas aparance que l'on avance plus en cet affaire en six mois et ung an qu'il n'a esté faict es six années précédentes, et Testât des affaires de ce Royaume tel qu'il est a présent ne permect pas que la publication de l'accord que j'ay faict avec ledict Duc soit plus longuement différé : qui est la cause, Madame, que je vous prie de voulloir en ce faict vous conformer a ma resolution, et d'aultant que j'ay esté vostre chancellier a commandement de vous de s'opposer par devant ma Court de Parlement a la veriffication de FEdict que j'ay faict sur ce que j'ay accordé audict duc de Mayenne, je vous escris ceste cy et ay donné charge expressément audict S*" de Ronet de vous prier de ma part de vous désister de ladicte opposition

— AW —

qui pouroit apoiler longueur a la veriffication dudict Edict au grand préjudice de ce Royaume et retardement de mes affaires. Je sçayt et c'est chose notoire que vous avez veiiueusement tesmoigné à ung chacun la générosité de vostre cœur, l'affection et l'honneur que continuez à la mémoire de ce bon Roy que nous regretons ; vous n'avez rien obmis de ce qui se peult a la vangeance de l'assassignat commis en sa personne; pour ce regard vous en demeurez deschargée devant Dieu et devant les hommes et je vous déclare que j'ay tout contentement du grand debvoir qu'avez faict en cela. Je vous en accorde telles lettres pour vostre descharge qu'estimerez avoir besoing, m'asseurant que vous continuerez avec moy et autres toujours ce pensement d'avérer ce crime qui touche de si près a tous deux , et dont jo veulx espérer que Dieu permectra que nous ayons

en fin ceste satisfaction en noz âmes que la vérité venant en lumière la punition s'en ensuyvra telle que requiert l'enormité d'ung si exécrable parricide; et me remectant a ce que plus amplement vous en sera dict de ma part par ledict S"" de Ronet , auquel je vous prie d'adjouter foy, comme vous feriez a moy mesme , je fmiray cette-cy par prier Dieu vous avoir, Madame, en sa saincte garde. Ce xxiij janvier à Folembray.

Vostre bien bon et humble frère

HENRY

Madame, outre la charge que je donne au S^ de Ronet, j'ay prié mon cousin le duc d'Elbeuf de vous dire quelle est mon intention sur le contenu en la présente.

( Bibl. de l'Institut, portefeuille Godefroy, n» 262. )

Pour apprécier la valeur de celte lettre , nous nous permettons de renvoyer nos lecteurs à VHistoire sommaire de la Vie de Louise de Lorraine qui précède Y Inventaire des meubles, bijoux et livres estant a Chenonceau le huit janvier MDC IIL — Paris, Techener, 1856.

1598, 1 mars.