GG

1602, 10 may.

A nos chers et bien amez les bourgeois , manans * et habitans de nostre -ville de Rennes.

Chers et bien amez , Nous avons recentement encores ordonné à nostre cousin le mareschal de Brissac de faire promptement travailler a louverture des tours et portaulx de nostre ville de Rennes , et faict expédier a nostre dict cousin une seconde commission pour cest effect a lexecution de la-

1 Les documents historiques du moyen âge, tels que chartes octroyées et ordonnances rendues par les rois , présentent toujours simultanément ces mots honnjeoia et manants, qui marquent, à ce qu'on croit, doux classes intermédiaires entre les nobles et la plèbe serve, lesquelles sont peut-être moins distinctes que ne le fait supposer la différence des dénominations. (V. Études sur lesProveibes français, ynr P. M. Quitard, p. 32. )

quelle alliii quil n'airive aulcun retardement Nous voulons, vous mandons et enjoignons très expressément de pourvoir promptement et soigneusement aux moiens nécessaires pour faire les despences quil conviendra a cest effect et les faire fournir a propos selon que nostre dict cousin les ordonnera affm que nostre volonté soit en cela exécutée comme nous croyons quelle importe et est utille au bien et repos de nostre dicte ville et de noz subjeclz habitans dicelle. Si ny faictes faulte , car tel est nostre plaisir.

Donné au Plessis lez Tours le xvj'' jour de may 1602.

HENRY

Potier.

; \rchivcs municipales de la ville de Rennes. )

1602, 24 may.

A W DE BEAJJMONT, ambassadeur en Angleterre.

Mons*" de Beaumont, J'ay faict responce à vos lettres du xxj« et xxvij« du mois d'avril le xiij du présent * . Depuis j 'ay receu celles du premier et dixiesme , l'une le quatorziesme et l'autre le xviij« d'iceluy. J'ay eu à plaisir de sçavoir par la première comment la Royne et ses conseillers se conduisent avec le Roy d'Escosse et luy avec eulx , aussy quelle opinion vouz avez de leur inclination et volonté tant generalle que particullière en son endroict, comme du party qui pouroit s'opposer à luy

i Cette réponse se trouve dans le Recueil de M. Berger de Xivrey : V, o89.

à la prétention de la succession de la Couronne d'Angleterre après le decedz de la Royne : car c'est une des choses de ce siècle à Tevenement de laquelle nous debvons prendre garde de plus près pour leur voisinage et les autres raisons qui vous sont assez congneues et d'autant plus que nous voyons les Espagnolz estre jà fichez et bandez si attentivement qu'ilz ne peuvent mesmes attendre que la Royne soit morte pour y fraper coup; ilz en délaissent leurs propres affaires en préférant ce desseing à celle des Archiducs; lesquelles ne recevront à presant comme vous sçavez petite faveur de la paix et amitié d'Angleterre en Testât où elles sont, tant ilz recongnoissent qu'il importe au gros des affaires quilz ayent part en cette succession, soit qu'ilz s'en aproprient et la retiennent pour eulx mesmes, ainsy quilz feront s'ilz peuvent . ou (|u ils la facent tom-

ber entre les mains de personnes qui soient à leur dévotion et deppendent d'eulx ; en quoy comme j'estime qu'ilz ne veulent favoriser ledict Roy d'Escosse, il me semble que je doibs faire le contraire, et d'autant plus que le droict et la facillité seront de son costé quand le changement arrivera , louant la façon de laquelle vous en avez parlé avec le secrétaire Cecil , comme je fais la modestie et la discrettion de ses responces; mais je croy que vous ne le debvez mettre souvent sur ce propos pour éviter toute jalousie, vous debvez seulement continuer à l'asseurer quand ceste occasion ou autres se presanteront ausquelles luy et les siens auront besoin de ma faveur et protection qu'elles ne luy seront aucunement espargnées. Je doibs aussy attendre que ledict changement advienne et quelz effectz il produira à sa naissance devant que de faire proposer audict

Iloy des conditions qui luy donnent subjel de croire que j'aprehende sa grandeur ny umbrage de ma volonté ceux qui doibvent estre intéressez avec luy ; le temps et les accidens qui surviendront me donneront assez le moyen de ce faire plus à propos et civillement. En tous cas vous avez bien faict de n'avoir demandé à la Royne le passeport du baron du Tour que vous avez envoyé, car je luy feray prendre le chemin de la mer, si sa femme qui ne le veult laisser, s'y peult accommoder ; mais vous debvez sçavoir si ledict Cecil a adverty ladicte Dame dudict passeport comme j'estime qu'il avoit faict , afin de luy en parler ainsy que je vous ay escript , de peur qu'elle en prenne jalousie , comme en vérité elle n'a occasion de faire : car le plus exprès commandement que aura de moy ledict Baron sera d'admonester de ma part le Roy d'Escosse de révérer ladicte

Dame et de n'avoir autre conception ny volonté que celle qu'il luy plaira.

J'ay esté bien ayse d'entendre les discours que ladicte Dame a euz avec vous quand vous luy avez dict les raisons qui me retiennent de m'engaiger avec elle en la guerre contre le Roy d'Espagne , et qu'elle les ayt prises en bonne part. Vous ne pouvez aussy les luy représenter ny respondre à ses demandes plus sagement que vous avez faict et debvez continuer à traitter avec elle avec franchise et douceur comme vous avez commancé. J'approuve pareillement les offres que vous avez renouvellées à ladicte Dame de mon service et aux chevaliers de son ordre de mon amitié après la cérémonie d'iceluy, ainsy que vous m'avez escript par vostre dernière ; mais ne vous mettez en peine de combattre l'opinion qu'ilz prennent des ad vis qui leur sont donnez d'icy, car vous n'auriez jamais

faict. Observez seulement ce qu'ilz vous en diront et jugeront et m'en advertissez, afin quand il sera temps que vous en parliez comme je vous l'escriray. Depuis que j'ay commancé d'armer, les ministres du Pape et dudict Roy d'Espagne m'ont recherché plus qu'ilz ne souloient d'adviser aux moyens de remédier aux jalousies qui sont entre nous et arrester le cours des elïects qu'elles pourroient produire; par où je remarque comme je fais les incommoditez qu'a leur Roy en ses affaires , qu'il a autant de mes armes comme je puis avoir des siennes ; aussy son ambassadeur a voulu me faire croire la dernière fois qu'il a parlé à moy que les armementz que faict son maistre sont plus préparez pour se venger de l'affront qu'il a receu en Irlande et pour secourir la Flandres que pour entreprendre ailleurs ny se charger d'inu^ nouvelle guerre, à quoy

il y a grande apparence. Je croy véritablement qu'il n'y a rien qui leur puisse faire prendre autre conseil, s'ilz n'y sont forcez ou conviez du dedans de mon royaulme par ceux qu'ilz peuvent y avoir praticquez, soit qu'ilz leur promettent de grands advantages, ou qu'ilz craignent de les perdre : c'est pour quoy je ne laisseray pour leurs belles parolles et spécieuses raisons de me rendre fort et en estât de ne pouvoir estre surpris. Ce pendant je ne veux m'engaiger plus avant avec les Anglois pour faire la guerre audict Roy d'Espagne, tant pour le peu de seureté qu'il y a en la foy d'iceulx, que par ce que je suis encores pressé de ce faire; partant mettez peine à descouvrir ce qu'ilz advanceront en leur traitté de paix et de les solliciter qu'ilz envoyent promptement vers au Païsbas avec le plus de forces qu'ilz pourront. Admonestez les de pourveoir à

bon escient à la seureté d'Irlande, sans s'amuser aux poursuittes de la paix , et les asseurez en termes généraux delà continuation de mon amitié, sans rejetter les ouvertures particulières qu'ilz vous feront. Il fault tenir ce prétendu nepveu du cardinal Baronius pour un afTronteur; vous verrez par le mémoire que je vous envoie ce que Bongars a apris de luy, dont vous ferez part au secrétaire Cecil. Mais quand nous ne debvrions tirer aultre advantage de la faveur que j'ay departie aux prebstres Anglois que de les séparer du dessein des Jésuites qui est celuy des Espagnolz , la peine que j'y emploie ne sera du tout inutile, comme vous sçavez que n'a esté ma venue icy oii j'ay trouvé tant d'obéissance que j'ay grande occasion de m'en contenter; je la laisseray aussy semblable à ceux de la ville et du pais de se louer do mn bonté, et en partiray

après la feste pour retourner du costé de Paris.

Je prie Dieu , &c.

Au Plessis lez Tours , xxiv may

i Brienne , ms. 38 , f" 118 v. )