CHAPITRE XXX

Comment Ulrich Gallct fut envoyé devers Picrochole.

es lettres dictées et signées, Grandgousier ordonna que Ulrich Gallet, maistre de ses requestres, homme sage et discret duquel en divers et contentieux affaires il avait esprouvé la vertus et bon advis, allast devers Picrochole pour lui remonster ce que par eulx avoit esté décrété. En celle heure partit le bon homme Gallet^ et, passé le gué , demanda au meusnier de l'estat de Picrochole: lequel lui feit response, que ses gents ne lui avoient laissé ni coq, ni geline, et qu'ils s'estoient enserrés en la Roche- Clermauld, et qu'il ne lui conseilloit poinct de procéder oultre, de paour du guet : car leur fureur estoit énorme. Ce que facilement il creut, et pour celle nuict hébergea avecques le meusnier.

Au lendemain matin, se transporta avec la trompette à la porte du chasteau, et requist ès gardes, qui le leissent parler au roi pour son profict.

Les paroles annoncées au roi, ne consentit

GARGANTUA

aulcuiiement qu'on lui ouvrist. la porte, mais se transporta sus le boulevard, et dist à l'ambassadeur : qu'y a t-il ce nouveau ? que voulez-dire ? Adoncques l'embassadeur proposa comme s'ensuit.