CHAPITRE LI

Comment les vieteurs Gargantuistes furent récompensés après la bataille.

este concion faicte par Gargantua, furent livrés les séditieux par lui requis : excepté Spadassin, Merdaille, et Menuail, lesquels estoient fuis six heures devant la bataille : l'un jusques au col de Laignel d'une traicte, l'aultre jusques au val de Vire, l'autre jusques à Logroine, sans derrière soi regarder, ni prendre haleine (*) par chemin; et deux fouaciers, lesquels périrent en la journée. Aultre mal ne leur feit Gargantua, sinon qu'il les ordonna pour tirer les presses à son imprimerie, laquelle il avoit nouvellement instituée. Puis ceux qui là estoient morts il feit honorablement inhumer (*) en la vallée des Noirettes, et au camp de Bruslevieille. Les navrés il feit penser, et traicter en son grand nosocome (156). Après advisa és dommages

(156). On nomme nosocome, disent Robin et Littré, de voïo; maladie et x»!"" soigner, celui qui dirige les soins donnés aux malades. — Ici, nosocome signifie pourtant : Hôpital.

faicts en la ville et habitants : et les feit rembourser de touts leurs intérests à leur confession et serment. Et y feit bastir un fort chasteau : y commettant gents et guet, pour l'advenir mieulx soi défendre contre les soubdaines esmeutes.

Au départir, remercia gracieusement tous les souldars de ses légions, qui avoient esté à. ceste deffaicte : et les envoya hyverner en leurs stations, et garnisons. Exceptés aulcuns de la légion décumane, lesquels il avait veu en la journée faire quelques prouesses : et les capitaines des bandes, lesquels il amena avec soi devers Grandgousier.

A la vue et venue d'iceulx, le bon homme fut tant joyeux, que possible ne seroit le descripre. Adonc leur fît un festin le plus magnifique, le plus abundant, et le plus délicieux, que fut veu depuis le temps du roi Assuere. A l'issue de table, il distribua à chascun d'iceulx tout le parement de son bufïet, qui estoit au "au poids de dix huict cents mille quatorze bezants d'or en grands vases d'antique, grands pots, grands bassins, grandes tasses, coupes, potets, candélabres, calathes, nacelles, violiers, drageoirs, etaultre telle vaisselle toute d'or massif, oultre la pierrerie, esmail, et ouvrage qui par estime de touts exédoit en prix la matière d'iceulx. Plus leur feit compter de ses coffres à chascun douze cents mille escus contents. Et d'abundants à chascun d'iceulx donna à perpétuité (excepté s'ils mouroien sans hoirs) ses chasteaux et ses terres voisines, selon que plus

GARGANTUA

leur estoit commodes. A Ponocrates donna la Roche-Clermauld ; à Gymnaste, le Couldray; à Eudemon, Montpensier; le Rivau à Tolmere ; à Ithybole^ Montsoreau; à Acamas, Candé; Varenes , à Chironacte; Gravot à Sebaste; Qiùnquenais, à Alexandre; Ligre, à Sophrone, et ainsi de ses autres places.