CHAPITRE XXXI

La harangue faicte par Gallet à Picrochole.

lus juste cause de douleur naistre ne peult entre les humains, que si, du lieu d'ond par droicture espéroient grâce et bénevolence, il reçoivent ennui et dommage. Et non sans cause (combien que sans raison), plusieurs venus en tel accident ont cette indignité moins estimé tçlérable que leur vie propre; et en cas que par force ni aultre engin, ne l'ont pu corriger, se sont eulx-mêmes privés de cette lumière (*).

« Doncques merveille n'est si le roi Grandgousier mon maistre est à ta furieuse et hostile venue saisi de grand déplaisir et perturbé en son entendement ^). Merveille seroit si ne l'avoient esmeu les excès incomparables, qui en ses terres et subjects ont esté par toi et tes gents commis : esquels n'ha esté obmis exemple aulcun d'inhumanité. Ce que lui est tant grief de soi, par la cordiale affection de laquelle toujours ha chéri ses subjects, que à mortel homme plus estre ne sçauroit. Toutesfois, sus l'estimation humaine plus grief lui est^ en tant que par toi

GARGANTUA. l8l

et les tiens ont esté ces griefs et torts faicts : qui. de toute mémoire et ancienneté, aviez toi et tes pères une amitié avecques lui et tous ses ances* très conceue, laquelle jusques à présent, comme sacrée> ensemble aviez inviolablement maintenue, gardée et entretenue, si bien que non lui seulement ni les siens, mais les nations barbares^ Poictevins, Bretons, Manseaux, et ceulx qui habitent oultre les isles de Canare et Isabelia, ont estimé aussi facile de molir le firmament, et les abysmes ériger au dessus des nues, que désemparer vostre alliance; et tant l'ont redoubtée en leurs entreprises, que n*ont jamais ausé provoquer, irriter, ni endommager l'un par crainte de l'aultre.

« Plus y ha. Geste sacrée amitié tant ha empli le ciel, que peu de gents sont aujourd'hui habitants par tout le continent et isles de l'océan, qui n'ayent ambitieusement aspiré estre receus en icelle, à pactes pour vous-mesmes conditionnés : aultant estimants vostre confédération que leurs propres terres et domaines. En sorte que de toute mémoire n'ha esté prince ni ligue tant efFérée ou superbe, qui ait ausé courir sus, je ne di poinct point vos terres, mais celles de vos confédérés. Et si, par conseil précipité, ont enconstre eulx attempté quelque cas de nouvelleté, le nom et tiltre de vostre alliance entendu, ont soubdain désisté de leurs entreprinses. Quelle furie doncques t'esrheut maintenant, toute alliance brisée, toute amitié conculquée, tout droict trespassé, envahir hostilement ses

l82 RABELAIS MÉDECIN.

. I. Il iimi I ■! I I II --^

terres, sans en rien avoir esté par lui ni les siens endommagé, irrité, ni provoqué? Où est foi?

où est loi? où est raison? où est humanité? où est crainte de Dieu?

« Cuides-tu ces oultrages estre recelés ez esperits éternels, et au Dieu souverain, qui est juste rétributeur de nos entreprinses? Si le cuides, tu te trompes : car toutes viendront à jugement. Sont-ce fatales destinées ou influence des astres (m bis), qui veulent mettre fin à tes aises et repos ? Ainsi ont toutes choses leur fin et période. Et quand elles sont venues à leur poinct suppellatif, elles sont en bas ruinées : car elles ne peuvent long temps en tel estât demourer. C'est la fin de ceux qui leurs fortunes et prospérités ne peuvent par raison et tempérance modérer.

« Mais si ainsi estoit phéé, et deust ores ton heur et repos prendre fin, falloit-il que ce fust en incommodant à mon roi, cellui par lequel tu estois establi? Si ta maison debvoit ruiner, falloit-il qu'en sa ruine elle torabast sus les atres de cellui qui l'avoit aornée? La chose est tant hors les mètes de raison, tant ahhorrente de

(m bis) L'inHuence des astres sur les destinées humaines est une croyance que les générations se sont transmises de siède en siècle jusqu'à Louis XIV, dont on tira rhoroscope.

Au point de vue médical, nous devons dire que Paracelse, qui divisait les maladies en cinq classes, avait mis dans la première celles qui viennent de Dieu et dans la deuxième celles qui viennent des astres.

sens commun, que à peine peult-elle estre par humain entendement conceue, et jusques à ce demeurera non croyable entre les estrangers, que l'effect asseurè et tesmoigné leur donne à entendre que rien n'est ni sainct ni sacré à ceulx qui se sont émancipés de Dieu et raison, pour suivre leurs affections perverses.

« Si quelque tort eust esté par nous faict en tes subjects et domaines, si par nous eust esté porté faveur à tes mal voulus, si en tes affaires ne t'eussions secouru, si par nous ton nom et honeur eust esté blessé; ou pour mieulx dire, si Tesperit calumniateur, tenidant à mal te tirer, eust, par fallaces espèces et phantasmes ludificatoireis, mis en ton entendement que envers toi eussions faict chose non digne de nostre ancienne amitié : tu debvois premier enquérir de la vérité, puis nous en admonester. Et nous eussions tant à ton gré satisfaict, que eusses eu occasion de toi contenter. Mais, ô Dieu éternel, quelle est ton entreprinse ? Vouldrois-tu, comme tyran perfide, piller ainsi, et dissiper le royaulme de mon maistre? L'as-tu esprouvé tant ignave et stupide, qu'il ne voulust : ou tant destitué de gents, d'argent, de conseil, et d'art militaire, qu'il ne pust résister à tes iniques assaults ?

« Départs d'ici présentement, et demain pour

tout le jour sois retiré en tes terres, sans par le

chemin faire aulcun tumulte ne force. Et paye

mille besants d'or pour les dommages qu'as faict

en ses terres. La moitié bailleras demain, l'autre

moitié payeras es ides de mai prochainement venant : nous délaissant ce pendent pourostage les ducs de Tournemoule, de Bas ae fesses et de Menuail, ensemble le prince de Gratelles et le vicomte de Morpiaille (riz). »

(112) Même quand Rabelais se fait grave, comiM dans ces sublimes chapitres xsi:!, xxx et xxii.ilbot qu'il reiombe dans un de ces propos qui l'ont fait appeler « le charme de la canaille t . Ainsi, voilà qu'apiË» h pins belle harangue du monde, dans laquelle on ne peut irouverunmot déplacé, nous voyons, à propos d'une liste d'otages, arriver des noms sdentifiques orduriers, que noos n'analyserons pas.

11 connaissait bien l'humanité, Destouches, quand il disait dans sa comédie du Glorieux :

• Chasseï le naturel, il revient au galop, n

rgJÉî'rti tW