Boulets

ce advint que le Fossé fut rcniply. A la clicutc, resta l'artillerie du dedens descouverte. Un bombardier tomba mort du haut de la o-rossc tour : mais c'cstoit un bombardier de foin revestu. Ceux du

dedens adonques commencèrent à rcmparer derrière ceste brèche, en grand effort et diligence. Les forains ce pendant feirent une mine par lac[uelle ilz mirent le feu en deux tourrions du chasteau, Icsquelz, tombans par terre a la moitié, feirent un bruit horrible. L'un d'iceux brusloit continuellement : l'autre faisoit fumée tant hydeuse et espaisse qu'on ne pouvoit plus voir le chastcau.

« Derechef fut faite nouvelle batterie, et tirèrent les cinq grosses pièces par deux fois contre le chasteau. Dont tomba toute l'escarpe de la muraille, laquelle, comme ay dit, cstoit faite de tables et limandes '. Dont, tombant par le dehors, feit comme un pont tout couvrant le fossé jusques sur le rcvelin. Resta seulement la barrière et rempart que les tenans avoient dressé. Lors, pour empescher l'assaut des forains, lesquelz estoient tous en ordonnance au bout de la place, furent jettées dix trombes de feu, canons de fusées, pâlies, maltons et potz à feu, et du rempart fut jellé un bien gros ballon en la place, duquel à un coup sortirent trente bouches de feu, plus de mille fusées ensemble, et trente razes ". Et couroit ledit ballon parmy la place, jettant feu de lôusi costez, qui esloit chose espouventable : fait par l'invention de messcr Vincentio, romain, et Francisque, florentin, bombardiers du Père Saint. Frérot, faisant le bon compagnon, courut après ce ballon, et l'appellant gueuUe d'enfer et leste de Lucifer ; mais, d'un coup qu'il frappa dessus avecques un transon de picque, il se tiouva tout couvert de feu, et crioit comme un enragé, fuyant deçà et delà, et bruslant ceux qu'il touchoit. Puis devint noir comme un Ethiopien, et si bien marqué au visage qu'il y paroistra encorcs d'icy à trois mois.