LES MEURTRIERS DUHAUT ET LIOTOT ASSASSINÉS

nommé Hiems, flibustier, accompagné de deux de ceux qui avoient demeuré avec les Sauvages, l’un nommé Ruter, Breton, et l’autre, Grolet, des environs de La Rochelle, lesquels estoient de ceux qui estoient de l’autre costé de la rivière. Le dit Hiems nous salua tous assez froidement. Il s'en fut joindre le dit Duhaut, son compagnon de malheur, et là, ils furent quelque temps à discourir ensemble, sans que j'en puisse rapporter rien, en ce que j'estois un peu esloigné d'eux. Je sçais seulement qu’il luy dit qu'il avoit appris son désir de continuer la route avec nous; que, pour luy;,telle n'estoit pas son intention, et il luy réclamoit, en conséquence, sa part de butin, c'est-à-dire les eflets et les hardes de feu M. de La Salle, dont ils s’estoient saisis. A quoy le dit Duhaut repartit que tout luy appartenoit, en ce qu'il avoit fait plusieurs avances à feu M. de La Salle. La contestation s'estant prolongée et eschauffée, le dit Hiems finit par dire à Duhaut qu'alors il eust à luy payer ses gages, puisqu'il avoit tué son patron, et en mesme temps j'entendis un coup de pistolet ; c'estoit le dit Hiems qui avoit tiré sur le dit Duhaut, lequel s'en fut tomber à quatre pas de là. Au mesme instant, un de ceux qui accompagnoient le nommé Hiems, nommé Ruter, tira sur le chirurgien, nommé Liotot, un coup de fusil qui luy passa trois balles au travers du corps.

Au milieu de cette tuerie, ne sçachant s’il n’alloit pas m'en arriver autant, je courus au plus viste à mon fusil, pour me mettre en défense, mais le dit Hiems m'’ayant veu, me cria que j'eusse à mettre bas les armes, qu'il n’en avoit pas à moy, que cela estoit fait, qu'il avoit puni Duhaut qui ne s’estoit pas contenté d’avoir tué son patron,

puisqu'il se vouloit approprier tout. Je n’en estois pas

moins fort embarrassé, car, depuis le malheur arrivé, je n'avois pas eu grande conversation avec le dit Hiems, ny mesme jamais grande liaison, attendu qu'il estoit Allemand de nation et luthérien. Cependant, après avoir un peu repris mes sens, je regarday M. Cavelier et le Père Anastase, qui n’estoient pas plus asseurez que moy,qui m'estois jeté sur un fusil sans faire réflexion; or, j'avois pris celuy du jeune sieur Cavelier, lequel n’estoit pas chargé, en ce qu'il venoit de tirer au blanc avec les autres. Le dit Hiems vint alors vers nous et nous dit que nous n'avions que faire d’avoir peur, qu’il ne nous vouloit point de mal, et que, quoy qu'il eust esté du complot, c’avoit esté contre son sentiment, et que, s’il avoit esté proche de M. de La Salle, lorsque le dit Duhaut le tua, il l'en auroit bien empesché,et il s’excusoit envers M. Cavelier.

Mais pour en revenir aux coups tirez, le dit Duhaut, ayant receu le coup de pistolet à bout touchant, estoit tombé roide mort sans rien dire, et lorsque nous le joisgnismes nous trouvasmes sa chemise en feu, br .slée du coup, en partie. Le chirurgien, quoiqu'il eust trois balles au travers du corps, ne cessa pas de vivre quelques heures, où il eust l’avantage de se confesser, quoyque celuy qui luy avoit tiré le dit coup de fusil le voulust achever d’un coup de pistolet, ce qu'il fit après qu'il se fut confessé. Malgré les représentations répétées de M. Cavelier, que cela estoit trop cruel et inhumain, il ne laissa pas d’achever son dessein, alléguant qu’il avoit, en se confessant, un bonheur que n’avoient pas eu ces messieurs qu’il avoit massacrez. Ainsi, ces malheureux recurent le salaire de leur crime, et je fis alors réflexion sur ce que M. Cavelier nous avoit dit par le passé, que Dieu le sçauroit bien venger luy

s jeté jeune enoit s vers peur, st esté 1e, S'il aut le \L. Ca-

uhaut, tombé s nous tie. Le ps, ne age de OUP de t'après ées de e laissa confeslil avoit de leur er nous ger luy