DE TRENTE COPIES

(Vers 1375.)

Exposicion sur ce chapitre (le ira' du livre V).

Selonc aucuns livres et selonc aucuns expositeurs, si comme Thomas Yalensis1, il n’a ci point de chapitre, mais est encores du xne chapitre precedent, jusques là où il dit Mais celi voit plus sainement, etc., où il commence le xme chapitre. Et ce disons nous nottablement pour ceulz qui pourront veoir autres livres que celi sur lequel nous avons faite nostre translacion, ès quiex il trouveront par aventure les chapitres autrement quottez, si comme nous mesmes le veismes en autres livres plusieurs que nous avions avec le nostre principal, duquel nous n’en veismes oncques nul plus parfait. Car en aucuns ne se trouvoient aucunes rebriches, ne au commencement des livres, ne par les chapitres, mais en yceli avoit rebriches, et au commencement des livres et sur chascun chapitre. Et nous semble, à la multitude des livres que nous avons veuz, qui en avons veu et visité jusques à xxx et plus, que, quant monseigneur saint Augustin fist son livre, combien qu’il y feist xxn livres, il ne divisa point les livres par chapitres, mais procedoit un livre tout entièrement sans chapitre, et nous meismes l’avons ainsi veu en i ou n livres, mais nous avons ymaginé que aucuns clers ingénieux, afin de com-