N° LXVIII

135S. — 9 Août.

Lettre de Marguerite de Brabant à son époux Louis de Maie, relative aux monnaies du comté de Rethel.

A mon irès-chier et très-redoubté seigneur, Monseigneur le conte de Flandres , duc de Brabant.

Très-chiers et redoubtés Sires ; comme je vous eusse cnvoyct la supplication de Andrieu du Porc, vostre monnoyer, contenant en substance que de doux choses déclaircs en la supplication , vous lui feissies l'une , cl vous m'aiez cscript que sur ce je eusse conseil avoec vos gens de par declià, laquelle voie seroit meilleur et plus proufitable, tant pour le peuple comme pour la marcheandise, et vous certifiasse de leur enlencion , et vous ordeneriez au surplus, plaise vous savoir, que vostre mandement et la dicte supplication mis au conseil de vostre gouverneur de Rethel, dou bailliu et du receveur dou lieu, ils ont dit par manière d'avis, sauve vostre correction, qu'il leur samblc que la derraine fin d'icelle supplication soit la plus loisable à tenir : c'est assavoir comme par l'ordenance que faite avés , il doie faire monnoie d'or et d'argent, si comme blans gros revenans au feur de ceux de Flandres, et florins au mouton de la valeur de ceulz de Flandres, dont les xxviii blans gros valent un florin au mouton, et le florin au mouton les xxviii blanz gros, qu'il soit mandé de par vous, et ordené que dorévavant ou fait de vostre récepte et autrement en vostre pays, mesmement entre les marcheans , que les xxviii blans gros vaillent le florin au mouton , et aussi le florin au mouton vaille les xxviii blans gros, par telle condicion que ou

l'ifXES JUSTIFICATIVES. l 4o

cas ou le florin au moulon, selonc ce que li roys fait ses monnoycs monter ou avaler, ou l'aisoit ou ordenoit que le florin au mouton fuist en cours de plus de xxviii s., si comme de xxxvi, ou xl, ou au pardessus à l'avenant que adès, un chascun se puist ac([uilter pour xxviii bians gros, en lieu dou mouton et se il descendoit à l'avenant, et que ainsi non contrestant cours de monnoye qui se feist par ordenance royal à sols et à livres, que adès vausissent les xxviii blans gros le mouton, pourveu toutevoies que vostre monnoie soit adès tenue, si comme nous supposons, qu'elle sera dou poi« et de l'aloy de celle de Flandrez. Et par telle manière il samblc à vos gens, saut le meilleur conseil , que la chose se porroit faire t;ssés bonnement et sens empescher la monnoie dou cuing et dou pris dou roy ; si voellicz ordener au sourplus vostre plaisir. Mon très-cber et redoublé seigneur, li Sainz Espris vous doinst bonne vie et longue. Escript à Masières, le ix" jour dou mois dWoust.

Voslre compagne,

MARGIERITE DE liRAUANT.

y/rchires de la Flandre Orientale , registre intilulé Decretev va> Lodewyk \ ks Maie, f° 168.

lAG PIÈCES JUSTIFICATIVES.