N° XIV

Sentence rendue par la cour des mortes mains du Hainaut par laquelle il est déclaré que le meilleur catel levé à la mort de la femme d'un monnoyeur doit être restitué

comme indüment perçu.

À tous ceulx qui ces presentes lettres verront ou orront, Thiery le Roy licencie en lois conseïllier et maistre des requeste de lostel de mon tres redoubte seigneur monseéigneur le due de Bourgogne et de Brabant, bail, hiretier et mambours des pays et comte de Haynnau, Hollande et Zelande, et son tresorier et recepveur general des mortesmains dud. pays de Haynnau, salut et cognoissance de verite : sachent tout que pardevant nous come recepveur des dites mortesmains et en le presence et ou tesmoings de pluseurs homes de fief a treshaute et puissante princesse ma tres redoubtee dame madame la ducesse Jaque de Bayviere, contesse desd. pays de Haynnau, Hollande et Zellande, et ossi en le presence et ou tesmoing de pluiseurs saiges, coustumiers et officyers qui estoient du conseil et serment de la dite court. Se comparurent personnellement en nostre hostel a Mons la ou nous teniesmes court et siege de plays pour le dit office : Jehans Defrasne bourgois de Mons comes sire de le ville de justice et seigneurie dEstroen empres Valenchinnes, dune part, et Jehans Deladeriere demorans en la dite ville dEstroen, daultre part. Et laendroit li dis Jehans Defrasne dist et proposa que a bonne et juste cause il avoit fait lever et poursuivoir pour avoir une jument dou pris de XII couronnes de France pour le milleur cattel demoret de Maigne d'Oisi darainement feme et espeuse audit Jehan Deladeriere, nagheres allet de vie a trespas en ledite ville d’Estroen, et que à tort et contre droit le dit Deladeriere avoit oppose et Opposoit au contraire se en deveroit icelui Defrasne venir a se intention, et lidis Deladeriere de se oposition dekeu et rendre les frais, Et pour ce declare ledict Defrasne remonstroit que par don

Rise

a lui fait de no tres redoubtce dame et princesse madame la contesse hireticre de Haynnau et a lui rateffiet par no tres redoubte seigneur et prince monseigneur le duc de Bourgogne, come gouverneur dudict pays de Haynnau, il tenoit et possessoit a viage ladite terre et seignourie d'Estroen, entre lesquelles possessions et revenucs en y avoit une qui estoit et est telle que tous ceulx et celles qui y vont de vie a trespassement, dequelque estat ou condition que il soient, doivent a ladite seignourie d'Estroen ung meilleur cattel, et ensi nos tres redoubte seigneurs princes et princhesses du pays de Haynnaut, ou ceulx qui diaux ont eubt le cause en avoient et ont ghoyt, uset et possesset terme prescript; sicome de vingt ung an et jour et plus, et ossi avoit fait le dis Defrasne despuis quil estoit venus en le possession dicelle, et pour ce a bonne cause il poursuiwoit pour avoir le meilleur cattel demouret du trespas de le feme ledit Jehan Deladeriere, car en tant quest ad ce que ycelui Deladeriere disoit et exposoit que supposet que no tres redoubte seigneur et prince euissent ghoyt et possesset de prendre et avoir les meilleurs cattels de tous ceulx et celles qui estoient allet de vie a trespas en ladite ville d'Estroen si avoit il certain fait especiaul parcoy sedite feme aucun payer nen devoit, qui estoit tel que ycelui Deladeriere estoit franeq monnoyer de Haynnau. Et il apparoit par certaine chartre donnee par le comte Jehan Davesne, en lan mil deux cens et nonnante noefs que eulx et leurs biens devoient et doivent y estre frans de touttes tailles, subsides, de touttes coustumes et de tous payages. Disoit et respondoit a ce lidis Defrasne, que quiconcques se volloit aydier daueunes francquises ou previlleges, il devoit le princhipal et original monstrer. Lequel cose lidis Deladeriere point navoit fait, se ne si devoit on point arrester ; ainehois que plus est disoit lidis Defrasne quil seroit seu et prouvet se mestiers estoit que on avoit veub pluiseurs monnoyers aller de vie à trespas, desquels meïlleurs cattels avoient estet levet tant a Eslouges et dela enthours comme ailleurs ou pays de Haynnau. Et pour affrancquissement avoir de milleur cattel payer, convenoit par mot expres que declaration en fuist faite es chartres et previlleges sour vertut de coy on en volloit demorer paisuille : ce dont riens nestoit fait vaillablement et bien y avoit raison, car redevance de milleur cattel payer est demaine et rente hiretable quant le cas esquiet come sont cens, rentes possession liegies de fief et autres parties que on doit annuellement et de terme en terme as seigneurs, eglises et autres bonnes gens en leurs terres et seignouries desquelles rentes et redevanches de seignourie et demaine nul quelquil soit nést

rhin

preservet ne affrancquit, monnoyer ne aultrement, quil ne conviengne quant question sen fait quil en sortisse et prende juge devant les lois qui a congnoistre en ont, sicome Bailliu et homes pour fiefs, mayeur et eschevins, pour hiretaiges de main ferme; le court de Mons pour allues ; et le recepveur des mortesmains de Haynnau, pour milleurs cattels, pour successions de fiefs , bastars ou aubains ; sans ce que pour nuls de ces cas conviengne aller proceder pardevant le prevost de le monoye, pour ce que en riens nen a acongnoistre, et mortesmains ne furent oncques entendues tailles de Prince, aydes, subcides ne choses frayeres, si nen puevent dont monnoyers ne aultres gens par vertu de leur dites lettres y estre afrancquis de les payer quant le cas esquiet. Ossi ne font il desortir aultre juge que pardevant ceulx qui comis y sont et qui puissance ont de en cougnoistre, et ossi que ledit Deladeriere fuist ne soit monnoyeur le dessusdit Defrasne nen savoit riens. Mais supposeit et non congneult quil le fuist, si ne lestoit point ne pooit y estre se dite feme, car le franquise des monnoyers esquiet a hoires malles et non point as femelles, et par consequent dont ycelui Deladeriere escuserne delivrer ne se pooit que, par le trespas de sedite feme, le milleur cattel delle demoret ne devist estre payet audit Defrasne, car combien que ledit Deladeriere desist quelle neuist riens de propre, saufve se gre, elle avoit de son droit le moittiet en tous les biens meubles quil possessoient ensemble, et samblablement es acquestes que fais avoient lun avoecq lautre: concluans par ledit Defrasne que ces choses bien considerees et dont il apparoit tant que pour souffir a boine cause il poursuiwoit, si en devoit venir a se intention si que dit est. Et par ledit Jehan Deladeriere estoit oposet contre celi poursuite disans que a tort et sans cause li dis Defrasne avoit fait lever le dit cattel, si devoit estre rendus et restitues à lui ledit Deladriere, et avoecq che yestre restitues des coustz et frais fais et a faire en celi ocquison ; car selonc le generaul loy et coustume dudit pays de Taynnan et par especiaul de ledite court dès mortesmains, touttesfois que aucun poursuiwoit en celle pour avoir milleur cattel par le trespas dauleune personne, il appertenoit quil euist juste et loyaul cause a ce pooir demander, u venir ne pooit à se intention ; lequel cose estoit servans a lintention dudit Deladeriere, et au contraire du proppes ledit Defrasne, car en lan mil deux cens nonnante sept, ungs appointemens se fist entre Jehans Davesnes, quens de Haynnau, dune part, et Jehan Le Duc, prevost de le monnoie de Valenchiennes, Joffroy Le Duc et plusieurs

grans plente de aultres monnoyers et ouvryers dautre part, de faire et forgier

SESSRE

monnoyes en ledite ville de Valenchiennes et ailleurs sour certaines devises en coy

cu

ly monnoiers, ouvriers et apprentis, se convenencherent et obligerent pardevers

ledit quens, ses hoirs et successeurs, ossi ledit quens leur donna et ottroya ycelle perpetuellement avoecques pluiseurs francquises, et entre les aultres veult il quil fuissent francq, quitte et delivre par toutte se terre et contree, de touttes tailles, de touttes coustumes et de tous payages; et de ces coses ledit quens obliga lui et ses hoirs de les entretenir et acomplir. Encores en lan mil iij° ïüjx et xi fu li plaisirs et volentez de monseigneur le duc Aubert, comte de Haynnau et Guillaume de Bayviere son aisnet filz, gouverneur dudit pays, à bailler lettres pat-