Ms. « ne suot garde donnes
«Sire, dist Renaudin, qu'alon nous atendant? »
Renaudin aies mos oïs et escoutés Que Maugis li ot dit, lors se sunt acoisiés,
620 L'escargueite feisoit et Aaiart Tainsnés,
Et Maugis les conduit tout .i. chemin ferrés. Bien orent Vivien comment s*est démentez.
Quant Renaudin Tentent, si lor a escriés :
«Fix à putain, glouton, le prison me lerrez. »
625 Quant Sarrasin coisirent des armez la clartés, Lors n'i ot si hardi ne fust espuantés.
Sus Tagait de no gent sunt^païen embatus.
Maugis point le cheval qui saut lez saus menus, Va ferir a. païen amont sus son escus,
630 Tant com hanste li dure Tabat mort estendus. Puis a treite Tespée au brun coutel moulus, Si en feri .i. autre que par mi Ta fendus.
Renaudin en a .i. de son espié férus Si fort que tout li froisse et les os et le bus;
635 Et Aaiart son frère a d'autre part férus. poi. 176 r> 6. Chascun feri le sien là où Ta consieûs.
Onques n'i demeura ne cauf ne quevelus,
Fors .m. qui s'enfuirent le grant quemin batus.
Au Sodant ont conté com lor est avenus •
640 Quant le Sodant Tentent, grant duel en a eiis, Lors escria: « As armez, n'i ait plus atendus. n Et il si firent tous des qu'il Tont entendu.
Li Sarrasin s'armèrent à forche et à bandon, Bien furent .ii*. mile li encrismé félon.
645 D'eus vous lerroi ichi, si vous raconteron De Renaut, de Maugis et d' Aaiart le blont.
Tost et isnelement s'en vindrent au prison, Puis li ont demandé son estre et son non, Et il lor a conté sans point d'aresteison,
650 Quant orent desconfit Persant et Esclavon :
«Je ai nom Vivien, et vous, comme avez non » Et Maugis li respont par moult bêle reson :
« Je sui Maugis vo frère, et chil dui valleton » Sunt vo cousin germain et fix au viel Aymon. »
655 Maugis prist Vivien son frère le baron,
Puis le mainent as tentez où furent li baron, Adonc le conjoïrent autour et environ.
«Seignors, dist Vivien, pour Dieu, quel la feron? » Ma chité ont assise Persant et Esclavon,
660 ©Plus sunt de iic. mile ainsi com nous cuidon,
))Et ma famé est dedens en moult trez grantfrichon. » «Biau fix, chen dist dus Buef, chertez plus n'aten- Lors furent endossé li haubert fremilîon, [dron. » Tantost furent armé, n'i font demoureson.
665 .VII. eschielez ont feitez de lor gent sans tenchon: La première si fu au duc Buef d'Aigremont, La seconde Guichart, la tierche au viel Ajmon, La quarte roi Brandoine, la .v*. Doon Hernaut a la"sisime, la .vu*. Othon,
670 Renaut et Aalart et Maugis le larron Et Vivien son frère qui ot cuer de lion.
Font la première eschele, vont s'en àesperon.
Nos crestiens chevauchent à forche et à vigour, .yii. eschielez ont feitez chele gent de valeur.
675 A Monbranc chevauchierent,'onques n*i ot demour Tant [qu'il oient] la bruit dejla gent pajiennour, Qui se furent armé par matinet au jour, .X. eschielez ont feitez, Sodant ot la meneur. Et crestiens lor viennent sans fere nul demour,
680 Entreferir se vont, onques n'i ot destour. Vivien fut devant où moult]ot de valeur, Il point et esperonne le destrier misaudour. Va ferir .i. païen susTescu paint à fiour, Du destrier Tabat mort empres .i. quarrefour,
685 A haute vois escrie : «Vous mourrez à douleur, » Le louier vous rendroi comme de tel valeur. »
Es près dessous Monbranc commencha la bataille , 676. Ms. « Tant que voient. »
Il n'i a crestien que Sarrasin n'asaille.
Mes dessus tous les autres Vivien s'i imaille.
690 Atant es vous pongnant Pinabel de Soraille .1. soudoier feri qui fu de Cornouaille, Mort Ta jus abatu à terre où il baaille, Puis apela nos gens : « Chetive garchonnaille, »Tous i morrez à honte, ne cuit que nul s'en aille. »
695 Quant Renaudin Tentent, cuidiez que ne l'en caille. Vers lui torna Baiart, cuidiez que il li faille, Fol. 176 vo a. De son pel le feri, ne^lui caut qui en caille, Si souef l'abat mort qu'il ne bret ne baaille; Puis en refiert .i. autre qu'il li ront lacoraille,
700 Et le tiers et le quart ra il ochis sans faille,
Puis crie à haute vois: «Segnor, metez en taille. »
Grant fu le capleïs contreval li essart.
Et Renaudin brocha son bon destrier Baiart, Et fiert .1. Sarrasin dessus son estouart,
705 Autresi le gravente com se fust .i. poupart; Puis rochist Malatart, Malaquin et Guxmart, Et Salemon d'Egypte, .i. félon Achopart, Puis ra ochis Mandoire, . i. garnirai gaignart. Mez le riche Sodant qui fu en Jor esgart
710 Revient à lor secors ass[e]z plus que soi[t] tart. Bien sunt .lx"*. et félon et gaignart. Gautier nous ont ochis et de Senlis Achart, Et Morant et Tierri et Lambert et Benart Et Audemer l'Escot et le comte Benart,
715 Aymer de Venise et^le courtois Richart,
Et tiex .v©. des autrez qui ne furent couart.
Ja fust dus Buef ochis et s'eschiele matée, Quant sorvint une eschiele de bonne gent armée ; Girart de Roussillon l'a conduite et guiée.
720 II crie Roussillon à moult grant alenée, .1. amiral fiert si sus la targe dorée, U cors li met la lanche une aune mesurée;
, 707. «Achopart» Cf. Gaufrey, v. 3353, 4063, etc. Ogier, v. 796, 991.
Quant Sarrasin le virent, [il font] une assemblée, Sus le cors veïssiez grant noise et grant criée.
725 Et Girart maintenant si a sachié Tespée, .1. Sarrasin en ôert sus la cheicle dorée, Mort Ta jus abatu de la sele dorée, Puis cria «Roussillon! t à haute vois levée.
Quant Renaudin Tentent s'a la perche levée.
730 Chele part adrecha Baiart de randonnée, Sus le hiaume feri .i. Turc de Valfondée Qu'à la terre en abat toute la chervelée, Et au cheval a toute trenchiéTeschinée.
A. chel coup est la perche en .n. moitiez froée.
735 Et quant Sarrasin virent qu'ele fu debruisée Tost li coururent sus tous à une huée ; Ja eussent la broigne en .xxx. lieus faussée, Se ne fust le destrier à la croupe tieulée Qui henit et regibe et fet si grant menée ;
740 A. l'un brisa le col, à l'autre l'eschinée. De païen fist iluec si très grant lapidée.
Merveille est que Renaut ne fist la reversée. Oez quele aventure Ihesu li a donnée :
De Froberge li membre dont l'alemele est fée,
745 Qui pendoit à l'archon de la sele dorée.
Là fust l'enfez Renaut malement malbaillis Ne fust chele aventure queDex li a tramis.
Et le vaillant Renaut]qui fu de moult grant pris Si l'a amont levée qui moult fu engramis ;
750 Parmi son elme fiert .i. roi de Moravis, En .II. moitiez le fentet le cheval de pris.
Lors dient l'un à l'autre : et Chen est .i. Antecris, )) Qu'il atendra à coup il sera tout fenis. » En fuie sunt torné, si ont le camp guerpis,
755 Se ne fustl'amirant qui sire est des Persis. Il escrie s'ensengne : « Or avant, Sarrasins î » Lors courent à Renaut plus de .m. Bédouins.
Fol. 176 r» b. Jafu mort et ochis, ja n'enescapast vis.
Quant dus Buef et ses hommez et Girart le marchis
760 Lez secoururent bien as bons brans acherins.
Ja fussent li païen maté et desconûs, Quant Tamiral Joas et Tamiral Clargis Et le roi Joacas et l'amiral Persis Vindrent en la bataille sus les chevax de pris.
765 Et crestiens les ont as bons brans acherins Trez vigoureusement par ire recueillis ; Mez tant fu grant la presse de félon Sarrasins, Ne vausist lor deffense vaillant .11. parisis. Fuïr les couvenist ou remaindre tous vis,
770 Quant Aymez de Dordonne o le grenon fleuris Et Doon de Nantueil le chevalier hardis Vindrent en la bataille à .xx™. fervestis
Là où Do de Nantueil as païen assembla
Et Aymez de Dordonne que moult forment ama, 775 Do escrie Nantueil, mie ne se targa,
Puis a brandi la hanste et Tescu acola.
Joas ala ferir que premier encontra,
Chen fu .1. amiral qui onques Dieu n'ama;
Tant com hanste li dure du destrier Tabat.
780 Puis regarda sus destre, .1. païen avisa
Qui .1. de nos barons en .11. moitiez coupa.
Lors fiertsi le païen que en .11. le coupa,
(Puis fiert si le païen que en .11. le coupa).
Atant es vous Sodant qui forment se hasta, 785 Hernaut ala ferir que premier encontra,
Si souef Tabat mort que li espié froissa.
Quant Aymez de Dordonne ot coisi cheus de là,
.1. escuier apele et si li envoia
A Othon d'Espolice qu'ariere lui lessa ; 790 De venir en Testeur durement le hasta.
Et le bon roi si ûst quant le mes esçouta.
Quant Othon fu venu à ichele envaïe.
Es païen se ferirent trestous à une hie.
783. Vers répété par suite d'une distraction du copiste, qui se perdait dans cette série de coups d'épée prodigieux.
785. Ce ue peut être Hernaut de Monder, encore vivant au vers 807 s.
Rois Othez esperonne le destrier de Nubie,
795 Et fiert .i. amiral du resne de Persie;
Parmi le gros du cuer le gonfanon li guie, De la sele Teslongne une grande brachie.
Et duc Buef d'autre part fièrement s'i manie, Vivien de Monbranc ses grans cous i emplie.
800 Renaut et Aalart ne s'i oublient mie,
Et Aymez de Dordonne qui pis ne valoit mie En ochist tant et tue, n'est nus qui nous en die. Mez tout chen ne leur vaut la monte d'une alie Que tant i est venus des païen de Larie,
805 N'est bons qui les milliers ne les .c. vous en die. Ja tornassent les dos, il n'i durassent mie, Quant au bon conte Hernaut le conta une espie, Et au bon roi Brandoine qui moult ot grant hasquie. Lors s'escria Hernaut à haute vois série :
810 «Or avant, biau dous niés, ne vous atargiez mie.» Chascun dez espérons son bon destrier i guie.
Brandoine voit l'effors des Sarrasins félons. Li et le quens Hernaut qui fu de grant renons Ens en la gregnor presse mainnent lor contenchons,
815 A destre et à senestre fièrent les Esclavons. A ichele envaïe fu ochis Clarions Et Cabrueil et Faussart, Salatre, Licions, Et Gingados d'Egjpte et le roi Faussarons, Fol. 177 r> a, Corberon et Fausirez et l'amiral Ebrons
820 Et bien x™. Turs de lor meillors barons.
Quant le Sodant le voit, plus dolent ne fu bons; Lors fist sonner .i. cors dont grans estoit li tons, Et broche le cheval des trenchans espérons.
.1. chevalier feri qui moult estoit preudons,
825 Trestout le pourfendi desiques es archons. Puis regarda sus destre li amachour félons, Et a veii roi Othez qui sus païen félons Carpente e[t] de s'espée païen met en frichons. Grant duel en ot Sodant, lors fiert des espérons
