Chy fut le bon Marchis fait pape de Rome

348. Item. Jullius Appo, pape de Rome, estably que nul clercq ne fesist, ne ne fist faire terrienne labeur. Yceluy entra en mer pour trouver le corps saint Clément.

351. En ce tamps fut saint Hilaire évesque de Poitiers, et saint Maximien évesque de Trêves.

353. Julyen l'empereur, qui moisne et crestien avoit esté, devint appostat et payen, et commanda que Juifs fussent manans et habitans en Jhérusalera, et par toutes terres fesissent leur signagoge ; mais une nuit, quant ils eurent tout apparilliet, vint ung tourbillon qui tout depiécha etjetta loing tout quanques ils orent appareilliet ; et se trouvèrent tous croisiés , par quoy moult de eux furent crestien.s. En ce tamps furent ars et brûlés les os de saint Jehan-Baptiste.