Adrien Constantin, 15" empereur, qui Jhérusalem

refit faire et clore de murs, fit moult de mal aux Juifs et comanda que jamais n'y entrassent. 124. Alexandre fut pape, qui ramentut en la messe la Passion Jhésu-Crist recorder, et fit l'eawe bénitte, puis fu martirisiet.

134. Chy fut Sixtus pape, qui comanda que nuls n'atouchast les choses de sainte Église, fors clers sacrés, et mist les Sanctus en la messe.

138. Elius Adrianus prist Jhérusalem et le destruit ; puis fut refaite où elle siet ore,et l'appella: Elye. 141. Adrien Constantin empereur morut. Et fut imperateur après luy Anthonius, 16% lequel fut moult preudhomme. Yceluy absolut toutes les debtes en son tamps, et fit ardoir les tables, pour quoy il fut appelles du peuple romain : père du pays. 145. Telephorus fut pape, qui establit les messes en Noël chanter par nuit et Gloria in excelsis. Item, ordonna faire le quaresme devant Pasques , et que les clers ordonnés s'astenissent de char raeno-ier, l'espase de 7 sepmaines devant Pasques. 155. Iginus fut pape qui establit le clergiet par degrés et

les dignités.